Mınıstr Qazaqstan Qytaıdy strategııalyq seriktes retinde qarastyratynyn jáne saýda, ınvestısııa jáne ónerkásiptik kooperasııa salalaryndaǵy yntymaqtastyqty júıeli túrde damytyp kele jatqanyn atap ótti.
Qazaqstan men Qytaı arasyndaǵy qarym-qatynas jan-jaqty strategııalyq áriptestik deńgeıine kóterildi. Bul taýar aınalymynyń turaqty ósimimen, ınvestısııalyq yntymaqtastyqtyń keńeıýimen jáne ónerkásiptik kooperasııanyń tereńdeýimen aıqyn kórinedi.
Qazaqstan men Qytaı konteınerlik poıyzdar sanyn arttyrýǵa kelisti
«Qazir Qytaı – Qazaqstannyń eń iri saýda seriktesi. Al Qazaqstan Qytaı ekonomıkasy úshin energetıkalyq resýrstardyń, aýyl sharýashylyǵy ónimderiniń jáne shıkizattyń senimdi jetkizýshisi bolyp qala beredi. Sońǵy úsh jylda ekijaqty taýar aınalymy turaqty ári qarqyndy ósim kórsetip keledi: 2023 jylǵy 41 mlrd dollardan 2025 jyly 48,7 mlrd dollarǵa deıin artty. Bul kórsetkishterdiń artynda eki el ekonomıkasynyń ózara tolyqtyrýshy sıpaty, kásiporyndardyń pragmatıkalyq jumysy, sondaı-aq Qytaıdyń Shandýn provınsııasy sııaqty damyǵan óńirleriniń qoldaýy tur», dedi mınıstr Arman Shaqqalıev.
Ortalyq Azııa elderiniń Qytaı kapıtalyna táýeldiligi: Qazaqstan eń tómengi kórsetkishke ıe
Onyń aıtýynsha, «Qytaıǵa eksport» platformasy bızneske tikeleı baılanys ornatýǵa jáne Shandýn provınsııasy men jalpy Qytaı naryǵyna shyǵýǵa tıimdi múmkindik beredi.
