Foto: freepik
Áleýmettik jelilerde azamattar emhanalarǵa barǵannan keıin túsetin kúmándi qońyraýlar týraly aqparat kóbeıgenin málimdedi. Sondyqtan vedomstvo belgisiz tulǵalarǵa SMS-kodtardy jáne jeke derekterdi bermeýge, sondaı-aq kúmándi siltemelerge ótpeýge shaqyryp otyr.
«Osyndaı jaǵdaılar elimizdiń ártúrli óńirinde tirkelip jatyr. Oqıǵalar, ádette medısınalyq uıymdardyń qyzmetine baılanysty bolmaı shyǵady. Alaıaqtar azamattardyń, sonyń ishinde egde jastaǵy adamdardyń senimin paıdalanyp, ózderin emhana nemese basqa mekemeler qyzmetkerleri retinde tanystyrady», delingen mınıstrlik taratqan habarlamada.
Alaıaqtyqtyń jańa tásili tarady: Qaskúnemder daýysyn ózgertip, senimge kiredi
Mınıstrlik azamattarǵa ózderiniń tirkelý mártebesin eGov.kz/eGov Mobile portaly nemese Damumed qosymshasy arqyly tekserýdi usynady.
Medısınalyq uıymdarǵa qabyldaýǵa jazylý eGov.kz jáne eGov Mobile portaly, medısınalyq aqparattyq júıelerdiń mobıldi qosymshalary arqyly, sondaı-aq tirkeý bólimine telefon arqyly júginý arqyly júzege asady.
Urlyq, bopsalaý, alaıaqtyq: Qaraǵandy oblysynda qylmystyq top ustaldy
Al SMS-kodtar azamattarǵa tek sıfrlyq servısterde avtorızasııadan ótý sheńberinde ǵana jiberiledi. Medısınalyq uıym qyzmetkerleri telefon arqyly SMS-kodtardy suramaıdy.
Qazir pasıentterdiń qabyldaýǵa barǵanyn naqty ýaqyt rejıminde baqylaýǵa múmkindik beretin júıelerdiń buzý nemese ruqsatsyz qol jetkizý faktileri tirkelmegen.
«Azamattardyń jeke dereginiń yqtımal taralýy boıynsha resmı ótinishter túsken jaǵdaıda ýákiletti memlekettik organdardyń qatysýymen tekseriledi», delingen mınıstrlik habarlamasynda.
Baspanaǵa qatysty jańa alaıaqtyq shema: IIM qazaqstandyqtarǵa eskertý jasady
