«Astana Eurasian Book Fair-2026» kitap jármeńkesin Mádenıet jáne aqparat mınıstrligi men Astana qalasy ákimdiginiń qoldaýymen «Folıant» baspasy uıymdastyryp otyr. Is-sharaǵa baspa ónimderimen aınalysatyn 80-ge jýyq kompanııa qatysady. Sondaı-aq Túrkııa, Qyrǵyzstan, О́zbekstan, Ázerbaıjan, Mońǵolııa, Reseı, Ispanııa, Qytaı, Iran, Belarýs, Portýgalııa, Venesýela, Ulybrıtanııa elderinen de 40 baspa ónimderin ákelmek.
Ortalyq Azııadaǵy eń aýqymdy kitap jármeńkesi bes kúnge sozylyp, kórme aıasynda jańa kitaptardyń tusaýkeseri, avtorlarmen kezdesý, avtograf-sessııa, balalar alańynda arnaıy sheberlik dáristeri uıymdastyrylmaq.
Atap aıtqanda, Túrkııa Mádenıet jáne týrızm mınıstrliginiń qoldaýymen jaryq kórgen «Túrik ashanasy» kitabynyń, Bekarys Shoıbekovtiń «Aıtystyń altyn aıdar Bekarysy» aıtystar jınaǵynyń, Marjan Ershýdyń «Jalǵyz qol» poemasynyń, «Zamandastar» serııasymen shyqqan «Eldos Smetov. Tózim. Senim. Jeńis» kitabynyń, Erlan Qojabaevtyń «Qazaq oıýlary» fotoalbomynyń, Anjeı Sapkovskııdiń «Mystanger» fantastıkalyq shyǵarmasynyń, Ularbek Dáleıdiń «Batý han» tarıhı romanynyń, Álisher Rahattyń «Iesiz kóleńke», ıspan jazýshysy Haver Moronyń «Úmit sapary», Ernest Hemıngýeıdiń «Qońyraý kimdi joqtaıdy», Ázerbaıjan aqyny Rásmııa Sabırdiń «О́leń-áıel», Baıyt Qabanulynyń «Mońǵol-óleń» kitabynyń, Nursultan Myqtybaıdyń «Aq Jaıyqtyń kóz jasy», sondaı-aq «Túrkistan – máńgilik ári árdaıym jańa» jáne «Dımash Qudaıbergen. Sheksiz mýzyka» atty kitap-albomdarynyń tanystyrylymy josparlanǵan.
Sonymen qatar 23 sáýirde Ulttyq kitap kúni merekesine oraı Mádenıet jáne aqparat mınıstrligi uıymdastyratyn «Ulttyq kitap» baıqaýynyń jeńimpazdaryn marapattaý rásimi ótedi. Kórme memleket jáne qoǵam qaıratkerleri, tanymal qalamgerler men sheteldik elshilerdiń qatysýymen 22 sáýir kúni saǵat 11.00-de resmı ashylady.
