Foto: egemen.kz/ Qyrmyzy Jumaǵalıqyzy
Ishki ister mınıstrliginiń qyzmetkerleri myńnan astam medısınalyq mekeme men 300 kásiporyndy tekserdi. Nátıjesinde 209 ákimshilik quqyq buzýshylyq anyqtalyp, 73 kásiporyn basshysy jaýapkershilikke tartyldy. 136 medısına qyzmetkerine qatysty materıaldar jınaldy.
Sondaı-aq áseri kúshti dárilerdi zańsyz satý boıynsha 16 jaǵdaı anyqtady. Al dárihana qyzmetkerlerine qatysty 13 qylmystyq is tirkeldi.
«Almatyda reseptisiz dári satqan tórt dárihananyń farmasevtterine qatysty qylmystyq ister qozǵaldy. Aqtóbede iri farmasevtıkalyq mekemege qatysty is qozǵalyp, 400 myń dári tárkilendi. Túrkistan oblysynda 100 tonna kúkirt qyshqyly arnaıy kúzetsiz tasymaldanǵan. Abaı oblysynda 680 tonna prekýrsordy tasymaldaý erejesi buzylǵan», delingen IIM habarlamasynda.
