Foto: Ashyq derekkóz
Eske salaıyq, bıyl aqpan aıynda Maıqaıyńdaǵy jekemenshik úılerdiń birinen 67 jastaǵy er adamnyń, al sol aýmaqtaǵy taǵy bir úıden onyń 39 jastaǵy qyzynyń máıiti tabylǵan. Marqumdardyń deneleri uzaq ýaqyt boıy úı ishinde saqtalǵan.
Maıqaıyń kentindegi úılerdiń birinen eki adamnyń máıiti tabyldy
Anyqtalǵandaı, qaıtys bolǵan er adamnyń jubaıy, úlken qyzy jáne 6 jastaǵy nemeresi mýmııalanǵan denelerdiń janynda birge turǵan. Aýyl turǵyndarynyń aıtýynsha, kishkentaı qyz anasynyń denesine únemi maı jáne bal jaǵyp otyrǵan.
Jerleý rásiminen keıin qoıylǵan taqtaıshalar arqyly belgili bolǵandaı, otaǵasy shamamen jarty jyl buryn qaıtys bolǵan, al onyń qyzynyń denesi eki jyldan astam ýaqyt úıde jatqan. Marqum áıeldiń qaterli isikke shaldyqqany belgili bolǵanymen, dáriger kómegine júginbegen jáne eshqandaı áleýmettik tólem almaǵan.
Sonymen qatar tergeý barysynda qaıtys bolǵan er adamnyń zeınetaqysy esepshottan turaqty túrde sheshilip otyrǵany anyqtalǵan.
«Qazirgi ýaqytta tergeý amaldary júrgizilip jatyr, onyń ishinde sot-psıhologııalyq jáne psıhıatrııalyq saraptamalar taǵaıyndaldy. Eki áıel de arnaıy psıhıatrııalyq mekemege jatqyzylyp, em qabyldap jatyr. Al kámeletke tolmaǵan bala tekserýden keıin Ekibastuz qalasyndaǵy memlekettik mekemege ornalastyryldy», dedi Pavlodar oblystyq polısııa departamentiniń baspasóz qyzmetiniń jetekshisi Janna Belıalova.
Quzyrly organdar oqıǵanyń barlyq mán-jaıyn anyqtap, quqyqtyq baǵa beriletinin málimdedi.
Almaty oblysynda jeke turǵyn úıden tórt adamnyń máıiti tabyldy
