Foto: Vıdeodan alynǵan kadr
Advokattyń aıtýynsha, shaǵymdy Azamat Toqtaýbaev pen Dıdar Qalıahmetov túsirgen. Ekeýi de sot úkimimen kelispeı, ózderin kinásiz dep tanýdy surap otyr.
«Sherzat isi boıynsha kassasııalyq shaǵymdar tústi. Alaıda olarmen tolyq tanysý múmkindigi bizde endi ǵana paıda boldy. Sot otyrysy erteńge, ıaǵnı 7 sáýirge belgilengen», dedi qorǵaýshy.
Eske salaıyq, 2025 jyldyń mamyr aıynda sot úkimi shyǵyp, Azamat Toqtaýbaev 15 jylǵa, al Dıdar Qalıahmetov 7 jylǵa bas bostandyǵynan aıyrylǵan edi.
Eske salaıyq, qaıǵyly oqıǵa 2024 jylǵy 4 qazanǵa qaraǵan túni Talǵar qalasynda bolǵan. 16 jastaǵy Sherzat Polat ákesine dúkende kómektesip júrgen kezde, agressıvti satyp alýshymen janjal týyndaǵan. Keıin álgi adam tanystaryn shaqyryp, olar kelip Sherzatty, onyń ákesi men aǵasyn aıaýsyz soqqyǵa jyǵyp, pyshaq pen myltyq qoldanǵan.
2025 jylǵy 5 shildede sot 9 aıyptalýshyǵa úkim shyǵardy. Tergeý nusqasy boıynsha, negizgi aıyptalýshy Abzal Shynasyl Sherzatqa ólimge ákelgen pyshaq jaraqatyn salǵan. Ol 23 jylǵa bas bostandyǵynan aıyryldy.
Sondaı-aq Ravıl Sakıev 20 jylǵa sottaldy. Azamat Toqtaýbaev burynǵy sottylyǵyn eskere otyryp 15 jylǵa, Nurqııas Ilııasov 9 jylǵa kesildi.
Al Shyńǵys Belgojaev, Darhan Áskentaı, Nurbol Toqtaýbaev jáne Dıdar Qalıahmetovtiń árqaısysy 7 jyldan jaza alǵan.
Kámeletke tolmaǵan aıyptalýshy 1 jyl 6 aıǵa sottalyp, keıin bultartpaý sharasy ózgertilip, 25 shildede bostandyqqa shyqqan.
О́tken jyldyń tamyz aıynda apellıasııalyq sot alqasy 8 sottalǵanǵa qatysty úkimdi ózgerissiz qaldyrǵan edi. Endi is kassasııalyq satyda qaıta qaralmaq.
Sherzat Polat isi boıynsha sottalǵandar apellıasııalyq shaǵym túsirdi
