Álem • Búgin, 10:30

Iran men AQSh eki aptalyq bitimge keldi: Ormuz buǵazy ashylady

20 ret

kórsetildi

1 mın

oqý úshin

Eki aptaǵa sozylatyn ýaqytsha bitim aıasynda Iran Ormuz buǵazyn qaıta ashýǵa daıyn. Bul týraly eldiń Syrtqy ister mınıstri Abbas Arakchı X áleýmettik jelisindegi paraqshasynda málimdedi, dep jazady Egemen.kz.

Dana MYRZAQADIR

Iran men AQSh eki aptalyq bitimge keldi: Ormuz buǵazy ashylady

Foto: Shutterstock Gen AI/Shutterstock.com

Resmı málimdemege sáıkes, Tegeran AQSh pen onyń odaqtastary Irannyń ulttyq ınfraqurylymyna baǵyttalǵan shabýyldaryn toqtatqan jaǵdaıda, buǵaz akvatorııasyndaǵy áskerı áreketterin ýaqytsha toqtatýǵa kelisip otyr. Shart merzimi aıaqtalýǵa eki saǵat qalǵanda, ıaǵnı AQSh Irannyń kópirleri men elektr stansııalaryna soqqy berýdi josparlaǵan sátte, bul kelisimdi Donald Tramp rastady.

Ormuz buǵazy arqyly munaı tasymaly qalaı sheshilmek?

Kelisim kezeńinde Ormuz buǵazy arqyly keme qatynasy qaıta jandanyp, qozǵalys Iran kúshteriniń tehnıkalyq baqylaýynda bolady. Sonymen qatar, Izraıl de atysty toqtatý sharttaryn saqtaýǵa mindetteme alǵan.

Ormuz buǵazynyń buǵattalýy álemde qandaı táýekelder týdyrady?

The New York Times basylymynyń jazýynsha, Tegeran buǵaz arqyly ótetin árbir kemeden shamamen 2 mıllıon dollar kóleminde alym alýdy kózdep otyr. Bul qarajat Omanmen bólisilip, soǵys saldarynan qıraǵan nysandardy qalpyna keltirýge baǵyttalmaq. Osylaısha, Iran bıligi Vashıngton men Tel-Avıvten tikeleı ótemaqy talap etýden bas tartýdy josparlap otyr.