Foto: Májilis
Májilistiń jalpy otyrysynda janýarlarǵa jaýapkershilikpen qaraý týraly zań jobasy talqylanyp jatqan kezde depýtat qoǵamdaǵy ahýaldyń kúrdeliligin naqty derektermen kórsetti. Onyń sózinshe, elimizde ortasha eseppen bir saǵatta bes adamdy ıt qabady.
Depýtattyń aıtýynsha, bul másele tek emosııamen emes, naqty statıstıkamen dáleldenip otyr. Sondyqtan bul jerde sóz tek janýarlar týraly zańǵa emes, qoǵamdyq tártip pen memlekettiń jaýapkershiligine kelip tireledi.
Sońǵy bir jyldyń ishinde 41 366 adamdy ıt qapqan, onyń ishinde 23 134 adam buralqy ıtterdiń shabýylynan zardap shekken. Al 2024 jyly bul kórsetkish 38 848 jaǵdaıdy quraǵan, sonyń 24 410-y buralqy ıtter. Bul derekter máseleniń azaımaı, kerisinshe kúrdelene túskenin kórsetedi.
Edil Jańbyrshın atap ótkendeı, árbir sannyń artynda naqty adam taǵdyry tur – balalardyń jaraqaty, azamattardyń psıhologııalyq kúızelisi, keı jaǵdaılarda múgedektik, tipti adam ólimi de bar. Máselen, О́skemende buralqy ıtter 11 jastaǵy balaǵa shabýyl jasaǵan. Mundaı oqıǵalar Oral, Kókshetaý, Jalpaqsaı aýyly jáne Qosshy qalasynda da tirkelgen. Al 2022 jyly Aqtóbe oblysynda buralqy ıtterdiń shabýylynan bala kóz jumǵan.
«Malshy men veterınar joq»: Depýtat azyq-túlik qaýipsizdigine qaýip tónip turǵanyn aıtty
Depýtattyń aıtýynsha, qoǵamnyń oryndy saýaly retinde aıtqanda, adamdardyń qaýipsizdigine, buralqy ıtterge, júıeniń áreketsizdigine kim jaýap beredi degen suraqqa memleket naqty jaýap bere almasa, másele tek ıtterde emes, quqyqtyq jáne basqarýshylyq vakýýmda jatyr.
О́ńirlerde turǵyndarmen kezdesýler barysynda da turǵyndar buralqy ıtter máselesin sheshýdi talap etip otyrǵan. Osyǵan baılanysty «Amanat» partııasynyń depýtattary bastama kóterip, zań jobasyn alǵa shyǵarǵan, al basqa fraksııalar da bul bastamany qoldaǵan.
Búgingi tańda buralqy ıtter máselesi – tek sanıtarlyq nemese turmystyq problema emes, qoǵamdyq qaýipsizdik pen memleket turaqtylyǵynyń mańyzdy ındıkatory. Bul baǵytta naqty sheshimder qabyldanbasa, jaǵdaıdyń odan ári kúrdelene túsý qaýpi joǵary.
Depýtat Aıtýar Qoshmambetov jalaqyǵa túsetin salyq júktemesin azaıtýdy usyndy
