Atap aıtqanda, ustalǵan janýarlardy qaıta jiberýdi boldyrmaý úshin olardy ýaqytsha ustaý pýnktterine mindetti túrde tapsyrý usynylady. Sondaı-aq ıesiz janýarlardy memlekettik bıýdjet esebinen vaksınasııalaý normasy alyp tastalady.
Budan bólek, qaraýsyz júrgen janýarlardyń sanyn retteý kózdelgen. Onyń ishinde jurtshylyqtyń densaýlyǵyn qorǵaý jáne aýrýlardyń taralýynyń aldyn alý úshin evtanazııa qoldaný múmkindigi de qarastyrylady. Bul fýnksııalar janýarlardy aýlaýmen aınalysatyn jergilikti atqarýshy organdarǵa bekitilip, olardyń ókilettikteri keńeıtiledi.
Qujat úı janýarlaryn esepke alý júıesin damytýdy da qarastyrady. Atap aıtqanda, chıpteýdi mindetti túrde engizý, sondaı-aq janýarlardy tek tirkeý bolǵan jaǵdaıda ǵana kóbeıtý talaptary belgilenedi.
Sonymen qatar qoǵamdyq baqylaý quqyǵy bekitiledi, sóıtip qoǵam ókilderi janýarlardyń panajaılary men ýaqytsha ustaý pýnktterine barýǵa múmkindik alady.
Úı janýarlaryn chıpteý: Janýarlar týraly jańa zań boıynsha ıelerdiń jaýapkershiligi kúsheıtiledi
Zańdy qaraý barysynda depýtattar «Jergilikti memlekettik basqarý jáne ózin-ózi basqarý týraly», «Veterınarııa týraly» zańdarǵa da ózgerister engizdi. Túzetýler jergilikti organdardyń janýarlar sanyn retteý, janýarlarǵa arnalǵan panajaılardy qoldaý jáne olardy jańa ıelerine berý baǵytyndaǵy áleýmettik jarnamany damytý jónindegi ókilettikterin naqtylaıdy.
