Foto: Ashyq derekkóz
Depýtattyń málimetinshe, mádenıet úıinde 20 jyl eńbek etken qyzmetkerdiń aılyǵy nebári 200 myń teńge shamasynda. Kóp jaǵdaıda olar syıaqy men ústemaqydan qaǵylyp otyr. Osy sebepti óner akademııalary men konservatorııa túlekteri aýyldyq jerlerge barýǵa qulyqsyz. Jastar tájirıbeli býynnyń aýyr jaǵdaıyn kórip, shalǵaıǵa jumysqa barýdan bas tartady.
Budan bólek, aýyldaǵy mádenıet úılerinde bir maman birneshe mindetti qatar atqarýǵa májbúr. Iаǵnı, bir adam uıymdastyrýshy, ári rejısser, ssenarıst, júrgizýshi, kórkemdik jetekshi qyzmetin qosa atqarady. Bul eńbek júktemesiniń shamadan tys ekenin kórsetedi.
Elimizdegi psevdopsıhologtarǵa aıyppul engizilýi múmkin
«Tabysqa táýeldi taǵy bir túıtkil, aýyldyq mádenıet úılerindegi dırektorlarǵa jumys ótili de, sanaty da sanalmaıdy. Saldarynan olar qatardaǵy qyzmetkerlerden az aılyq alady. Bul da túıini tarqamaǵan túıtkil. Jumys kúni elmen birge eńbek etetin mádenıet salasynyń qyzmetkerleri mereke kúnderi demalǵan halyqtyń kóńilin kóterý úshin taǵy qyzmet etedi, óner kórsetedi. Odan qashpaıdy da shyǵarmashylyq tulǵalar, tek tynymsyz eńbekke tólenetin aqy da aqylǵa qonymdy bolsa deıdi. Sebebi mádenıet bul ulttyq ıdeologııanyń ajyras bóligi. Sondyqtan mádenıettiń maıtalmandaryna, shalǵaıda shyǵarmashylyqtyń shamyn sóndirmeı otyrǵan jandarǵa jalaqyny kóterý kerek», dedi depýtat.
Qaladaǵy mádenıet qyzmetkerleriniń de jaǵdaıy máz emes. Sebebi olarǵa aýyldyq jerlerge beriletin 25% ústemeaqy qarastyrylmaǵan. Al óńirlerdegi mádenıet nysandarynyń materıaldyq-tehnıkalyq bazasy eskirgen – basym bóligi jóndeýdi qajet etedi.
Depýtat Qasym-Jomart Toqaevtyń «Mádenıet – ulttyń tólqujaty» degen sózin eske sala otyryp, bul salany damytý – strategııalyq mindet ekenin atap ótti. Onyń pikirinshe, mádenıet – ulttyq ıdeologııanyń ajyramas bóligi, sondyqtan oǵan júıeli qoldaý qajet.
Máseleni sheshý úshin depýtat tarapynan birqatar naqty usynystardy ortaǵa saldy:
- Aýyldyq jáne aýdandyq mádenıet uıymdaryn kúrdeli jóndeýden ótkizip, materıaldyq bazasyn jańartý;
- Mereke jáne demalys kúnderindegi jumysqa qosymsha aqy tóleýdi qatań baqylaý;
- mádenıet qyzmetkerlerine áleýmettik paket (kótermeaqy, turǵyn úı, saýyqtyrý) berý tetikterin engizý;
- Jalaqyny turaqty túrde arttyrý mehanızmin qalyptastyrý;
- Biliktilikti arttyrý jáne sheteldik tájirıbe almasý múmkindikterin keńeıtý.
Depýtattyń aıtýynsha, bul sharalar júzege assa, mádenıet salasynyń bedeli artyp, aýyldaǵy rýhanı ómir jańa deńgeıge kóteriledi.
