Foto: Depositphotos.com
Festıval avtorlardy, digital-kreatorlardy, sarapshylardy, ınvestorlardy jáne tehnologııalyq kompanııa ókilderin bir alańǵa jınaıdy. Negizgi maqsat – kıno men jasandy ıntellekt toǵysyndaǵy jobalardy damytý jáne jańa formattardy qoldaý.
Is-sharanyń basty ereksheligi – júlde qory 1 mln dollar bolatyn qysqametrajdy fılmderdiń halyqaralyq baıqaýy. Bul baıqaý álemniń túkpir-túkpirinen qatysýshylardy tartýǵa múmkindik beredi. Uıymdastyrýshylardyń aıtýynsha, festıval jahandyq deńgeıdegi shyǵarmashylyq básekege jol ashady.
Almaty oblysynda álemdik deńgeıdegi kınopavılon salynyp jatyr
Baǵdarlama aıasynda birqatar mańyzdy is-sharalar josparlanǵan:
- AI-kontentke arnalǵan halyqaralyq konferensııa;
- avtorlar men prodıýserlerge arnalǵan pıtch-sessııalar;
- fılm kórsetilimderi men saraptamalyq pikirtalastar.
Festıvaldiń taǵy bir ereksheligi – kontent jasaýdyń barlyq kezeńderin qamtıdy jáne ıdeıadan bastap daıyn ónimge deıingi prosesti tolyq kórsetedi. Ásirese, gıbrıdti formattaǵy jobalarǵa erekshe nazar aýdarylady, ıaǵnı dástúrli kıno men jasandy ıntellekt múmkindikterin ushtastyrǵan jumystarǵa basymdyq beriledi.
Qazaq kınosy halyqaralyq kınofestıvalde eki júlde jeńip aldy
Uıymdastyrýshylardyń pikirinshe, Astana AI Film Festival tájirıbe almasýǵa, jańa tehnologııalardy ıgerýge jáne kontent ındýstrııasyndaǵy tyń baǵyttardy damytýǵa serpin beredi. Bul alań Qazaqstandy óńirlik qana emes, halyqaralyq deńgeıdegi kreatıvti hab retinde tanytýǵa múmkindik beredi.
Festıval baǵdarlamasy men qatysý sharttary týraly tolyq aqparat aldaǵy ýaqytta resmı saıtta jarııalanady.
