Atyraýdaǵy sharýanyń tushparasyna suranys artty

ATYRAÝ. 26 aqpan. Atyraý oblysynyń Qurmanǵazy aýdanyndaǵy «Qubash» sharýa qojalyǵy kúnine 1000 qorap tushpara shyǵarýdy qolǵa aldy. Bul týraly egemen.kz tilshisi habarlady. «Qubash» sharýa qojalyǵynda bastapqyda 200 múıizdi iri qara baǵylǵan eken. О́tken jyly «Sybaǵa» baǵdarlamasynyń kómegimen 300 qazaqtyń aq bas sıyryn satyp alypty. Bul qojalyq tek mal ósirýmen shektelmeı, aýyl turǵyndaryna et ónimderin usynýdy qolǵa aldy. Máselen, tushpara sehynyń tehnology Gúlden Boıarovanyń aıtýynsha, dál qazir kúnine 30 kılo et óńdelip, bir myń qorap tushpara shyǵarylady. Sebebi, bul ónimge tek aýyldastarynan ǵana emes, ózge eldi mekenderden de suranys kóp túsetin bolypty. Múıizdi iri qaranyń etinen daıyndalǵan qýyrdaqqa da suranys artyp keledi. Tushpara tek sıyr etinen jasalady. Oǵan tek pııaz ben maıdan ózge eshteńe qosylmaıdy eken. Endi sharýa qojalyǵynyń basshylyǵy tushpara sehyn keńeıtýdi kózdep otyr. О́ıtkeni, «Tek tushpara jasaýmen shektelgimiz kelmeıdi. Aldaǵy ýaqytta qalbyrdaǵy et óndirisin damyta túsýdi josparlap otyrmyz. Buǵan múmkindik te, shıkizat ta jetedi. Jylyna 20 tonna et óndiremiz. Sehtyń ekinshi kezeńi iske qosylǵanda ónim kólemin 4-5 esege arttyryp, jumysshylardyń sanyn eki esege, ıaǵnı 70 adamǵa deıin kóbeıtýdi kózdegen josparymyz bar», deıdi sharýa qojalyǵynyń jetekshisi Esbolat Qubashev. Joldasbek Shópeǵul. Derek: egemen.kz. Sýret «24kz».