Nazerke Shákirbaı jazbasynda Muhtar Shahanovtyń sońǵy amanatyn oryndaýǵa kómek suraǵan.
«О́lgenniń artyndaǵy tiriniń paryzy – ony arýlap jer qoınyna tapsyrý. Muhtar Shahanovtyń tiri kezindegi sońǵy amanaty – óz ata-babasynyń mekeni Otyrarda, Arystan bab kesenesiniń mańyna jerleý edi. Bul jaı ǵana tilek emes, eliniń ary, namysy bola bilgen rýhty aqynnyń halqyna tilek amanaty.
Endi mine, búgin Muhtar Shahanov dúnıeden ótti. Bir dáýir kelmeske ketti. Tirisinde «Shyndyq bıiginde jolyǵaıyq» deýden tanbaǵan qaıratker aqynnyń sońǵy amanatyn oryndaý – bizge paryz.
Arystanbab kesenesiniń mańynda О́zbekáli Jánibekov jatqan qorym da bar. Muhtar Shahanovtyń О́zbekáliniń qasyna jerlenetin jóni de joq emes. О́ıtkeni Muhtar Shahanov sol О́zbekáli Jánibekovpen ıyqtas júrip, ulttyq rýhanııatqa qyzmet etken tulǵa. Olardyń joly bólek bolǵan joq. Oǵan dálel aqyn sózin jazǵan «Arqalyqtyń aq tańy» áni. Án tarıhy týraly «О́zbekáli jáne mádenı maıdan» kitabynda da egjeı-tegjeıli baıandalady. Torǵaı óńirinde júrip, sol jaqtyń ánuranyn jazýdy О́zbekáli Jánibekov Muhtar Shahanov pen Shámshi Qaldaıaqovqa senip tapsyrǵan. Sol senimdi Muhtar Shahanov aqtady. Sondyqtan onyń О́zbekáli atamyzdyń qasyna jerlenýi – qısyndy da, jarasymdy da sheshim bolmaq.
Kezinde О́zbekáli Jánibekov qaıtys bolǵanda, aqyn jarynyń bir aýyz sózin jerde qaldyrmaı, ony el basshysyna jetkizip, máseleni sheshýge yqpal etken Qyrymbek Kósherbaev bolypty. Búgin sondaı jaýapkershilikti moınyna alatyn, Prezıdent Qasym-Jomart Toqaevqa aqynnyń sońǵy amanatyn jetkizetin adam tabyla ma?!
Bul – bir otbasynyń, zııaly qaýymnyń ǵana máselesi emes, tutas bir qazaq degen ulttyń óz tulǵasyna degen qurmetiniń kórinisi bolmaq!», degen ol jazbasynda.
Onyń aıtýynsha hat avtordyń ruqsatymen jarııalanǵan. 15 sáýir 2026 j. E-О́tinishke tirkelip, «QR Prezıdent Ákimshiligine» joldanǵan.
Eske salaıyq, buǵan deıin qazaqtyń aqyny, jazýshysy Muhtar Shahanov jansaqtaý bóliminde em qabyldap jatqanyn jazǵan edik.
20 sáýirge qaraǵan túni Qazaqstannyń Halyq jazýshysy Muhtar Shahanov ómirden ótti.
