Foto: Reuters / Muhammed Atı
Halyqaralyq baǵalaýlarǵa sáıkes, soǵys saldarynan álemdik naryqtan 500 mln barrelden astam munaı men kondensat túspeı qalǵan. Bul – qazirgi kezeńdegi eń iri energetıkalyq úzilisterdiń biri. Mundaı kólem jahandyq ekonomıkaǵa 5 kún boıy munaı jetkizilmegen jaǵdaımen teń.
AQSh pen Iran arasyndaǵy soǵys saldary: Saýd Arabııasynyń munaı eksporty 50%-ǵa tómendedi
Parsy shyǵanaǵyndaǵy arab elderi naýryz aıynda óndiristiń shamamen 40%-yn joǵaltyp, táýligine 8 mln barrel munaı óndire almady. Sonymen qatar aımaqta avıaotyn eksporty kúrt tómendep, 19,6 mln barrelden 4,1 mln barrelge deıin qysqardy. Bul halyqaralyq áýe tasymalyna aıtarlyqtaı áser etti.
Sarapshylardyń aıtýynsha, qaqtyǵys bastalǵaly munaı baǵasy barreline shamamen 100 dollar deńgeıinde qalyptasqan. Sonyń nátıjesinde joǵalǵan kólem 50 mlrd dollar tabystyń kemigenin bildiredi.
Qalpyna keltirý úderisi ońaı bolmaıdy. Qazirgi tańda álemdik munaı qory azaıyp, óndiristegi úzilis táýligine 12 mln barrelge deıin jetken. Keıbir ken oryndaryn burynǵy deńgeıge keltirý úshin 4-5 aı qajet, al óńirdegi energetıkalyq ınfraqurylymdy tolyq qalpyna keltirý birneshe jylǵa sozylýy múmkin.
Jalpy, Irandaǵy soǵystyń jahandyq munaı naryǵyna saldary uzaq merzim boıy sezilýi yqtımal.
