Ujym maqsaty – sapa men senimdilik

«Jobalardy memlekettik vedomstvodan tys saraptaý» sharýashylyq júrgizý quqy­ǵyndaǵy respýblıkalyq mem­lekettik kásipornynyń («Mem­saraptama» RMK) Astana qala­syndaǵy fılıaly – zamanǵa saı saraptaý ortalyǵy. Onyń qyzmetiniń maqsaty Úkimet bekitken erejelerge sáıkes Qazaqstan Respýblıkasynyń respýblıkalyq jáne jergilikti ınfraqurylym nysandarynyń, sonyń ishinde energııamen, sýmen, jylýmen jabdyqtaý nysandarynyń, magıstraldyq kólik, baılanys, kommýnıkasııa­lar, kommýnaldyq-turǵyn úı sharýashylyǵy jáne tirshilikti qamtamasyz etetin basqa da júıe­lerdiń qurylysyna arnalǵan jobalaý aldyndaǵy qujattaryna (tehnıka-ekonomıkalyq negiz­demelerine) jáne jobalaý qu­jattaryna (jobalaý-smetalyq qujattarǵa) keshendi memlekettik saraptama júrgizý, saraptamalyq qorytyndy berý bolyp tabylady. «Memsaraptama» RMK-niń As­tana qalasyndaǵy fılıaly 2014 jylǵy 22 qańtarda qu­ryldy. Qurylys jáne turǵyn úı-kommýnaldyq sharýashylyq isteri komıtetiniń jobalardy memlekettik vedomstvodan tys saraptaýdyń respýblıkalyq birtutas memlekettik júıesine enedi. Memlekettik saraptama jasaý – memlekettik ınvestısııalar esebinen, otandyq jáne sheteldik ınvestorlardyń qarajatymen nemese olardyń qatysýymen qarjylandyrylatyn nysandar men keshender qurylysynyń ınvestısııalyq úderisiniń qajetti kezeńi. «Memsaraptama» RMK-niń Astana qalasyndaǵy fılıalynyń negizgi mindeti – Qazaqstan Respýblıkasynyń normatıvterine jobanyń qan­shalyqty sáıkestigin, sonyń ishinde birinshi kezekte órt pen jarylys qaýipsizdigin, qurylǵylardyń senimdiligin, jumys isteýiniń turaqtylyǵyn, sanıtarlyq-gıgıenalyq nor­malarǵa, sondaı-aq, qurylystyń smetalyq qunyna sáıkestigin anyqtap, jobalyq sheshimderge baǵa berýimen erekshelenedi. Ádette saraptama qory­tyn­dylary úsh túrli sıpatta bolyp keledi. Birinshi jaǵdaıda, ıaǵnı joba normalarǵa tolyq sáıkes oryndalǵan bolsa, ol bekitilýge usynylady. Ekinshi jaǵdaıda, ıaǵnı jobada normadan aýytqýshylyqtar baıqalatyn bolsa, ol kemshilikter eskertilip, túzetilýge jáne durystap qaıta bir pysyqtaýǵa keri qaıtarylady. Al úshinshi jaǵdaıda, ıaǵnı Qazaqstan Respýblıkasyndaǵy qurylys normalarynyń talaptary óreskel buzylǵan jaǵdaıda, joba múldem qabyldanbaıdy. Fılıal ujymyn basqaryp otyrǵan Nurlan Chımbaevtyń aıtýynsha, kásiporynda biliktilikti arttyrýdyń úzdiksiz júıesi jumys isteıdi. Sarapshylar jyl saıyn respýblıkalyq se­mı­narlarlarǵa qatysyp, bilimderi men biliktilikterin arttyrady. Kásiporynnyń qyzmetkerleri, sondaı-aq, sapany qadaǵalaý jóninde turaqty ótkiziletin  semınarlar men forýmdarǵa, basqa da túrli jıyndarǵa belsene qatysyp otyrady. Kásiporynnyń óndiristik-tehnıkalyq bazasy zaman talabyna saı. Árbir jumys orny sońǵy shyqqan kompıýterlermen, prınter, telefon jáne fakspen jaraqtandyrylǵan, ınternet jelisine qosylǵan. Saraptama qyzmetinde «Lıra», «SANA», «AVS-4» baǵdarlamalary keńinen paıdalanylady. Fılıalda qyzmetkerlerdi áleýmettik qorǵaý ınstıtýty jaqsy damyǵan. Qyzmetkerlerdi medısınalyq saqtandyrý, materıaldyq jáne áleýmettik kómek kórsetý, sporttyq-saýyq­tyrý sharalary qarastyrylǵan. Eńbekke yntalandyrý, syıaqy berý júıesi jumys isteıdi. Fılıal óz qyzmetinde Qazaqstan Respýblıkasynyń Konstıtýsııasy men zańdaryn, Prezıdenttiń Jarlyqtary men Qazaqstan Respýblıkasy Úkimetiniń qaýlylaryn, Qurylys jáne turǵyn úı-kommýnaldyq sharýashylyq isteri komıtetiniń buıryqtary men ókimderin, quryltaıshynyń nusqaýlary men sheshimderin basshylyqqa alady. Osyndaı jaǵdaıǵa sáı­kes fılıaldyń óndiristik kór­set­kishteri de jaqsara túsýde. 2014 jyldyń birinshi jar­tyjyldyǵynda jalpy Astana óńiri boıynsha qurylysqa, qaıta jańǵyrtýǵa jáne kúrdeli jóndeýge jalpy quny 31,011 mln.teńgeni quraıtyn 113 jo­balyq-smetalyq qujattama qabyldandy. Memlekettik saraptamanyń eskertpelerinen keıin qaıta túzetilgen jalpy smetalyq quny – 28,453 mln. teńgeni quraıtyn 109 jobalyq-smetalyq qujattamaǵa oń qo­rytyndy berildi. Jobalyq she­shimder men smetalyq qu­jat­­tamalardy normatıvtik ta­laptarǵa sáıkestendirip, saraptama eskertýi boıynsha negizsiz jumys kólemi men shyǵyndardy azaıtý nátıjesinde bekitýge usynylǵan qurylystyń jalpy málimdelgen quny 2,557 mln. teńgege azaıdy. Sóıtip, bul ujym Astana qala­synyń zaman talabyna saı kórkeıýine, ondaǵy qury­lystardyń zaman talabyna saı sapaly salynýyna óz úlesin qosyp keledi. Suńǵat ÁLIPBAI, «Egemen Qazaqstan». ASTANA.