Foto: Ashyq derekkóz
Eske salaıyq, aıaldamada bolǵan shabýyldyń vıdeosy áleýmettik jelide tarady. Ony zardap shekken áıeldiń qyzy jarııalaǵan. Onyń aıtýynsha, kúdikti adamdar azaıǵan sátti kútip, áıelge shabýyl jasaǵan.
Belgili bolǵandaı, bul onyń alǵashqy aýyr qylmysy emes. 2020 jyly ol basqa oqıǵaǵa baılanysty sotty bolǵan. Ol kezde eki er adam onyń úıine kelip, iri kólemdegi qaryzdy qaıtarýdy talap etken. Keıin olar úıge kúshpen kirip, janjal týyndaǵan.
Qaqtyǵys barysynda er adam as úı pyshaǵyn paıdalanyp, birneshe soqqy jasaǵan. Sonyń saldarynan bir adam qaza taýyp, ekinshisi aýyr jaraqat alǵan.
Sot onyń áreketin ózin-ózi qorǵaý kezinde jasalǵanymen, qajetti qorǵanys sheginen asqan dep tanyp, eki jylǵa bas bostandyǵynan aıyrǵan. Sonymen qatar oǵan psıhıatrııalyq baqylaý taǵaıyndalǵan.
