Jańa qujatta polısııa, bilim berý uıymdary, medısına qyzmetkerleri jáne qorǵanshylyq organdarynyń jaýapkershilik aıasy naqty aıqyndaldy. Endi bala quqyǵynyń buzylýy týraly kez kelgen aqparat boıynsha belgilengen merzimderge saı mindetti is-qımyldar tizbegi avtomatty túrde iske qosylady.
Júıedegi negizgi jańashyldyqtardyń biri – keıs-menedjerler ınstıtýtynyń engizilýi. Árbir oqıǵa boıynsha jeke jaýapty maman bekitiledi. Ol barlyq múddeli qyzmetterdiń jumysyn úılestirip, balanyń quqyǵy tolyq qalpyna kelgenge deıin súıemeldeý júrgizedi. Bul tásil vedomstvolar arasyndaǵy jaýapkershiliktiń bólinbeı qalý táýekelin azaıtady.
Qazaqstanda bala quqyǵyn qorǵaý komıssııalarynyń qyzmeti qaıta júıelendi
Algorıtmde áreket etý merzimderi de naqty belgilengen. Aqparat dereý tıisti organdarǵa jetkiziledi, 1 saǵat ishinde málimet bala quqyqtaryn qorǵaý organdaryna joldanady, 1 jumys kúni ishinde keıs-menedjer taǵaıyndalyp, balanyń ómir súrý jaǵdaıy tekseriledi. Al materıaldardy kámeletke tolmaǵandar isteri jónindegi komıssııaǵa joldaý merzimi 3 jumys kúninen aspaıdy.
Budan bólek, áreket etý negizderiniń aýqymy keńeıtildi. Endi resmı ótinishtermen qatar, balalardyń óz sıgnaldary, «111» baılanys ortalyǵynyń habarlamalary, sondaı-aq áleýmettik jeliler men BAQ-taǵy monıtorıng nátıjeleri de eskeriledi. Bul baǵytta mobıldi toptar men psıhologııalyq qoldaý ortalyqtary da jumyldyrylǵan.
Dınara Zakıeva: Jańa Konstıtýsııada otbasy men bala quqyǵyn qorǵaý kúsheıtiledi
Balalarǵa kómek biryńǵaı standart boıynsha kórsetiledi. Oǵan medısınalyq, psıhologııalyq, pedagogıkalyq, áleýmettik jáne quqyqtyq qoldaýdyń tolyq kesheni kiredi. Sondaı-aq jańa tártipke sáıkes, memlekettik qorǵaý tek zorlyq-zombylyqqa ushyraǵan balalarǵa ǵana emes, oǵan kýá bolǵan kámeletke tolmaǵandarǵa da usynylatyn bolady.
