Mınıstrdiń aıtýynsha, talapkerler qazirgideı synaq testin eki ret tapsyryp, óz deńgeıin baǵalaý múmkindigine ıe bolady. Bul olardyń álsiz jáne myqty tustaryn anyqtaýǵa kómektesedi.
«Synaq testi saqtalady. Talapkerler alańdamasa bolady», dedi ol.
Sonymen qatar aqyly bólimge túsýge múmkindik beretin synaq testteri óz kúshinde qalady. Al memlekettik grantqa túsý úshin ótkiziletin negizgi Ulttyq biryńǵaı testileý (UBT) endi bir ret qana tapsyrylady.
Mınıstrdiń sózinshe, atalǵan ózgerister kelesi jyldan bastap engiziledi, al tolyq aqparat kúz mezgilinde jarııalanady.
Budan bólek, talapkerlerge balama jańa test formaty usynylýy múmkin. Vedomstvo basshysy onyń aldaǵy bes jyl ishinde UBT-ny birtindep almastyrýy yqtımal ekenin atap ótti.
Aıta keteıik, Ulttyq biryńǵaı testileý Qazaqstanda 2004 jyldan beri joǵary oqý oryndaryna túsý emtıhandarynyń ornyna qoldanylyp keledi.
