Foto: Ashyq derekkóz
Mınıstrdiń aıtýynsha, muǵalimderdiń jalaqysy óskennen keıin bul mamandyqqa qyzyǵýshylyq tanytýshylar sany kúrt artqan. Alaıda memleketke «san emes, sapa» kerek.
Endi pedagogıkalyq baǵytty tańdaǵan talapkerler UBT balymen qatar, oqý ornynyń óz ishinde ótetin emtıhan tapsyrady. Qazirgi ýaqytta emtıhan formaty pysyqtalyp jatyr. Negizgi nusqalardyń biri – suhbat.
Mınıstr UBT-ǵa qatysty jańasha ózgeristerdiń qandaı bolatynyn jarııalady
«Joǵary oqý oryndary abıtýrıenttiń talaptarǵa shynaıy sáıkestigin ózderi tekseredi. Bul – irikteýdiń ekinshi kezeńi bolmaq», dedi Saıasat Nurbek.
Mınıstr bul sheshimniń ashyq ári ádil ótýin ýnıversıtetter ózderi qadaǵalaıtynyn atap ótti.
Buǵan deıin elimizde muǵalimderdiń pándik bilimin baǵalaý testi toqtatylǵanyn jazǵan edik. Sondaı-aq mınıstrlik mektep dırektorlaryn rotasııalaý, 2+2, aýyldyq jerlerde 3+3 júıesimen taǵaıyndaý týraly usynys kótergen.
