Foto: Ashyq derekkóz
Bul sheshim qazaq fýtboly tarıhyndaǵy mańyzdy jańalyqtardyń biri retinde baǵalanyp otyr. Sebebi federasııaǵa Anglııa Premer-lıgasynda tájirıbesi bar jáne eýropalyq klýbtyq týrnırlerde jeńiske jetken maman shaqyryldy.
Jańa bas hatshyǵa birqatar strategııalyq mindetter júkteldi. Olardyń qatarynda tóreshilik júıesin jetildirý, fýtbol akademııalaryn damytý, ınfraqurylymdy jańǵyrtý, klýbtardy basqarý jáne lısenzııalaý standarttaryn kúsheıtý, sondaı-aq kommersııalyq jáne medıa baǵytty damytý bar. Sonymen qatar ÝEFA jáne FIFA-men halyqaralyq yntymaqtastyqty keńeıtý de negizgi basymdyqtardyń biri bolmaq.
Ulttyq bank álemdik fýtbol dodasyna arnalǵan kolleksııalyq monetalar shyǵarady
QFF prezıdenti Marat Omarov bul taǵaıyndaýdyń mańyzyn atap ótti:
«Federasııa sheshýshi kezeńde tur. Biz otandyq fýtboldyń bolashaǵyn aıqyndaıtyn berik negiz qalyptastyrý ústindemiz. Joǵary nátıjege jetý úshin tájirıbesi men tártibi bar mamandar qajet. Skott Mýnn – óz tájirıbesin qazaqstandyq fýtboldy damytýǵa baǵyttaıtyn bilikti maman. Onyń kandıdatýrasy bul qyzmettiń barlyq talabyna saı keledi jáne el fýtbolyn laıyqty nátıjelerge jetkizedi dep senemin».
О́z kezeginde Skott Mýnn da jańa qyzmetine qatysty pikir bildirdi:
«Osyndaı mańyzdy kezeńde Qazaqstan fýtbol federasııasynyń quramyna qosylǵanyma qýanyshtymyn. Prezıdent Marat Omarov aıqyndaǵan baǵyt pen federasııanyń atqarǵan aýqymdy jumystary maǵan úlken áser qaldyrdy. Eldegi fýtboldy damytýǵa úles qosý úshin klýbtarmen de, halyqaralyq deńgeıdegi áriptestermen de tyǵyz jumys isteýge asyqpyn», dedi ol.
Fýtboldan álem chempıonaty fınalynyń bıletteri taǵy qymbattady
