Memleket basshysy men Izraıl Prezıdenti shaǵyn quramda kelissóz júrgizdi

20 ret

kórsetildi

2 mın

oqý úshin

Memleket basshysy Qasym-Jomart Toqaev pen Izraıl Prezıdenti Ishak Gersog shaǵyn quramda kelissóz júrgizdi. Qasym-Jomart Toqaev Ishak Gersogpen elimizdiń tórinde júzdeskenine qýanyshty ekenin aıtty, dep habarlaıdy Egemen.kz Aqordanyń baspasóz qyzmetine silteme jasap.

Shyńǵys MUQAEV

Memleket basshysy men Izraıl Prezıdenti shaǵyn quramda kelissóz júrgizdi

Foto: Aqorda

«Eń áýeli, eki el arasyndaǵy qarym-qatynastyń irgesin qalaýǵa Sizdiń ákeńiz, Izraıl Memleketiniń burynǵy Prezıdenti Haım Gersogtyń erekshe eńbek sińirgenin atap ótkim keledi. 1992 jyldan beri qos halyq ortasynda tyǵyz dostyq baılanys ornady. О́zara yntymaqtastyqta, ásirese, ekonomıka jáne saıası baǵyttarda eleýli tabysqa qol jetkizdik. Elimiz Ibrahım kelisimderine qosylý týraly sheshim qabyldady. Bul qadam Taıaý Shyǵys elderi men Izraıl arasyndaǵy qarym-qatynastyń qalpyna kelýine Qazaqstannyń da úles qosýǵa daıyn ekenin kórsetedi. Búgin biz ózara ekonomıkalyq baılanystarymyzǵa qatysty kóptegen máseleni talqylaımyz. О́ıtkeni ekijaqty yntymaqtastyqtyń áleýeti zor. Bul múmkindikti meılinshe paıdalaný kerek», dedi Memleket basshysy.

Aqordada Izraıl Prezıdentin saltanatty qarsy alý rásimi ótti

Izraıl Prezıdenti 1993 jyly Qazaqstanǵa sapar jasaǵan ákesi Haım Gersogtyń izin jalǵap Aqordaǵa kelgeni úshin qýanyshty ekenin jetkizdi.

«Qazaqstanǵa únemi kelgim keletin edi. Muny shyn júrekten aıtyp otyrmyn. О́ıtkeni qazaq jeriniń kórkem tabıǵaty men qazaq halqynyń keremet mádenıeti týraly kóp estidim. Menimen birge ózara seriktestigimizge, ásirese, joǵary tehnologııalar salasyndaǵy yqpaldastyqqa tyń serpin beretin sarapshylar keldi. Álem jańa dáýirge qadam basqan kezeńde elderimiz arasyndaǵy yntymaqtastyqtyń áleýeti orasan zor», dedi Ishak Gersog.

Sonymen qatar Izraıl Prezıdenti Qazaqstannyń Ibrahım kelisimderine qosylý jáne Beıbitshilik keńesiniń jumysyna atsalysý týraly sheshimin qoldady.