Foto: Densaýlyq saqtaý mınıstrligi
Densaýlyq saqtaý mınıstrliginiń málimetinshe, 2025 jyldyń ózinde jedel medısınalyq járdem qyzmeti 8 mln-nan astam shaqyrtýǵa qyzmet kórsetken. Al bıylǵy jyldyń alǵashqy úsh aıynda bul kórsetkish shamamen 1,8 mln-ǵa jetken.
Jedel medısınalyq járdem – densaýlyq saqtaý júıesiniń eń mańyzdy ári jaýapty býyndarynyń biri. Brıgadalar shaqyrtýǵa birinshi bolyp jetip, naýqastyń ómirine qaýip tóngen mezette jedel ári bilikti kómek kórsetedi. Mundaı jaǵdaıda ár mınýttyń baǵasy joǵary.
Qazirgi tańda Qazaqstanda jedel járdem qyzmeti 20 derbes stansııadan, 93 qalalyq kishi stansııadan jáne 189 aýdandyq bólimsheden turady. Olar halyqqa táýlik boıy úzdiksiz qyzmet kórsetedi. Al júıeniń jumysyn Ulttyq shuǵyl medısınany úılestirý ortalyǵy úılestiredi.
Ishinde júkti áıel bolǵan: Aqtóbede jedel járdem kóligi aýdaryldy
Oblystyq jáne qalalyq deńgeıde bir aýysymda 1 652 kóshpeli brıgada jumys isteıdi. Onyń ishinde 16% – dárigerlik, 84% – feldsherlik brıgadalar.
2025 jyldyń qorytyndysy boıynsha jedel járdem brıgadalarynyń qatysýymen aýrýhanaǵa deıingi ólim kórsetkishi 0,2%-ǵa tómendegen. Sonymen qatar sátti reanımasııa kórsetkishi 7,9%-ǵa artqan.
Jalpy, jedel medısınalyq járdem qyzmeti el turǵyndaryna shuǵyl kómektiń qoljetimdiligin qamtamasyz etetin júıeniń negizgi tiregi bolyp qala beredi. Sońǵy jyldary bul salany damytýǵa erekshe kóńil bólinip, avtoparktar jańartylyp, sıfrlyq sheshimder engizilip, mamandardyń biliktiligi arttyrylyp keledi.
Almatyda jedel járdem qyzmetkerine shabýyl jasaǵan kúdikti ustaldy
