Mańǵystaýda «Jedel járdem» júrgizýshileri shý shyǵardy

AQTAÝ. 27 aqpan. Aqtaýda medısınalyq mekeme basshysy jedel járdem kóligin jeke sharýasyna paıdalanǵan. Atalmysh kólik júrgizýshileri osylaı deıdi. Bul týraly egemen.kz tilshisi habarlady. Júrgizýshilerdiń aıtýynsha, birneshe jyldan beri jalaqyny ósirmeı, bir de bir ret syıaqy bermeı júrgen basshylyq «jedel járdem» kóligin toıǵa barýǵa, ólgen adamnyń denesin shalǵaı aýyldardaǵy úıine jetkizip berýge, sondaı-aq balyq tasý syndy óz jumystaryna paıdalanady eken. Artyq aqsha joqtyǵyna baılanysty syıaqy tólenbegenmen, esepshilerine syıaqy berilip kelgen. Bes jyl boıy aılyqqa turaqty 65 myń teńge jalaqy alyp júrgen júrgizýshiler bul aqyǵa memlekettiń de, basshynyń da jumysyn jasap júrgendigin aıtýda. Qazir bul mekemede nebary 17 kólik bar. Onyń jetkiliksiz ekendigin, ıaǵnı shaqyrtý túsken jerge biraz kúttirip jetetini jurttyń júıkesine tıgen. Gúlaıym Shyntemirqyzy. Derek: egemen.kz. Sýret: voxpopuli.kz.