Qazaqstan Úkimeti otstavkaǵa ketedi

60 ret

kórsetildi

1 mın

oqý úshin

Astanada Parlament palatalarynyń birlesken otyrysynda «Prezıdent týraly» konstıtýsııalyq zań jobasy birinshi oqylymda maquldandy. Jańa zańnamalyq ózgeristerge sáıkes, elimizdiń Úkimeti bıyl jańa quramdaǵy Quryltaı aldynda ókilettigin toqtatady, dep habarlaıdy Egemen.kz.

Egemen Qazaqstan

Foto: Ashyq derekkóz

Parlament qabyrǵasynda ótken talqylaýda senator Bekbolat Orynbekov jańa Konstıtýsııanyń talaptaryna toqtalyp, atqarýshy bılik pen jańadan engiziletin Vıse-prezıdent ınstıtýtynyń arajigin naqtylady. Zań jobasyna sáıkes, respýblıkalyq referendýmda qabyldanǵan Ata zań 1 shildede kúshine ense, tamyz aıynda jańa Quryltaı saılaýy ótpek. Dál osy saılaýdan keıin mınıstrler zań boıynsha tolyq quramda otstavkaǵa ketýi tıis.

Quryltaı saılaýy tamyz aıynda ótedi

Talqylaý kezinde depýtattar: «Vıse-prezıdent te Prezıdent saılanǵan saıyn ókilettigin tapsyra ma?» degen saýal joldady.

«Vıse-prezıdent ınstıtýtyn engizý jalpy alǵanda turaqty jáne júıeli jumysty qamtamasyz etedi. Vıse-prezıdent jeke memlekettik organdy basqarmaıdy, ol Prezıdenttiń atynan áreket etedi. Osy ustanymdy eskere otyryp, jańadan saılanǵan Prezıdent aldynda jańa ókilettikterdi toqtatýdy qajet dep sanaımyz», dep túsindirdi Ádilet mınıstri Erlan Sársembaev.

Úkimettiń qyzmetin baqylaý jáne sottardyń táýelsizdigi: Quryltaıǵa qandaı ókilettilik beriledi?

Asyljan QURMANǴALI