Sport • Búgin, 17:19

Jambyldyqtar kókpardan Qazaqstannyń 16 dúrkin chempıony atandy

30 ret

kórsetildi

1 mın

oqý úshin

Taldyqorǵan qalasynda kókpardan eresekter arasynda ótken Qazaqstan Respýblıkasynyń chempıonaty máresine jetti. Dúbirli dodanyń qorytyndysy boıynsha Jambyl oblysynyń «Áýlıeata» komandasy qarsylas shaq keltirmeı, el birinshiliginiń jeńimpazy atandy, dep habarlaıdy Egemen.kz.

Qyrmyzy JUMAǴALIQYZY

Jambyldyqtar kókpardan Qazaqstannyń 16 dúrkin chempıony atandy

Toǵyz kúnge sozylǵan el chempıonatynda elimizdiń barlyq óńirinen kelgen 19 komanda baq synap, myqtyny anyqtady.

Jambyl oblysynyń namysyn qorǵaǵan «Áýlıeata» ujymy jarystyń alǵashqy kúninen-aq joǵary deńgeıdegi oıyn órnegin kórsetti.

Jańa formattaǵy Naýryz merekesi: Robot-kókpar el turǵyndaryn tańǵaldyrdy

Jartylaı fınalda Almaty oblysynyń quramasymen kezdesken jambyldyqtar 2:1 esebimen qıyn jeńiske jetip, fınalǵa joldama aldy.

Sheshýshi kezdesýde «Áýlıeata» men Shymkent qalasynyń komandasy túıisti. Tartysty ótedi dep kútilgen oıynda Jambyl sportshylary erekshe sheberlik tanytyp, Shymkent quramasyn 6:0 esebimen oısyrata jeńdi.

Osy jeńisiniń arqasynda «Áýlıeata» komandasy kókpardan Qazaqstan Respýblıkasynyń 16 dúrkin chempıony atandy.