Foto: Ashyq derekkóz
Mınıstr Konstıtýsııalyq zań jobasynda «Qazaqstan Halyq Keńesiniń» joǵary konstıtýsııalyq konsýltatıvtik organ retinde quqyqtyq mártebesi aıqyndalatynyn atap ótti.
«Konstıtýsııalyq zań jobasynda «Qazaqstan Halyq Keńesiniń» naqty uıymdastyrýshylyq modeli qalyptastyrylǵan. Negizgi máseleler boıynsha sheshim qabyldaıtyn joǵary basshylyq organ Sessııa bolady. Onyń quzyretine zań jobalaryn engizý jáne referendým ótkizý týraly bastamalar da kiredi. Sessııalar aralyǵynda aǵymdaǵy qyzmetti júzege asyryp, sheshimderdi daıyndaýdy qamtamasyz etetin alqaly organ – Tóralqa jumys isteıdi», dedi Erlan Sársembaev.
Sondaı-aq mınıstr Qazaqstan Halyq Keńesiniń quramyn qalyptastyrý máselelerine erekshe nazar aýdarylǵanyn aıtty.
«Zań jobasynda qoǵamnyń negizgi toptary – etnomádenı birlestikterdiń, qoǵamdyq birlestikter men kommersııalyq emes uıymdardyń, sondaı-aq máslıhattar men qoǵamdyq keńesterdiń teń dárejedegi ókildigi kózdeledi. Iаǵnı, «Qazaqstan Halyq Keńesiniń» quramy atalǵan toptardyń usynymdaryn eskere otyryp, 42 músheden teń dárejede qalyptastyrylady», dedi mınıstr.
Erlan Sársembaev «Qazaqstan Halyq Keńesi» músheleriniń ókilettik merzimin tórt jyl dep belgileý usynylatynyn jetkizdi. Sondaı-aq Keńestiń Tóraǵasyn Sessııada tórt jyldyq merzimge, Prezıdenttiń usynysy boıynsha jáne Keńestiń jalpy músheleriniń keminde úshten biriniń bastamasymen saılaý usynylatynyn aıtty. О́z kezeginde, ınstıtýttyń turaqty jumys isteýin qamtamasyz etý maqsatynda bir tulǵanyń Keńestiń Tóraǵasy bolyp eki retten artyq saılanýyna jol berilmeıtini týraly norma kózdelgenin eskertti.
«Zań jobasynyń mańyzdy bóligi «Qazaqstan Halyq Keńesiniń ókilettikterine arnalǵan. Olardyń qataryna ishki saıasat máseleleri boıynsha usynystar ázirleý, zańnamalyq bastama jasaý quqyǵy arqyly zań shyǵarý prosesine qatysý, referendým ótkizý jóninde bastamalar kóterý, qoǵamdyq talqylaýlar men dıalog alańdaryn uıymdastyrý, sondaı-aq qoǵamdyq baqylaýǵa qatysý kiredi. Bul rette barlyq ókilettikter konsýltasııalyq jáne bastamashylyq sıpatta bolyp, memlekettik bılik júıesimen tepe-teńdikti saqtaýdy qamtamasyz etedi», dedi Erlan Sársembaev.
Mınıstrdiń málimetinshe, Konstıtýsııalyq zań jobasy qabyldanǵan jaǵdaıda, qoldanystaǵy «Qazaqstan halqy Assambleıasy týraly» zańnyń kúshi joıyldy dep taný usynylady. Osylaısha Qazaqstan qoǵamdyq-memlekettik ózara is-qımyldyń jańa modeline kóshetin bolady.
