Foto: t.me/mazhilis_kz
Úkimet kýlýarynda jýrnalısterdiń saýalyna jaýap bergen depýtat keıbir áriptesteriniń bes-alty balasy bar ekenin aıtyp, qazirgi shyǵyn kólemine toqtaldy.
«Balany balabaqshaǵa nemese túrli úıirmelerge berý, kıim-keshegi men ózge de qajetine shamamen 300 myń teńge ketedi. Azyq-túlik baǵasy da qymbattap jatyr. Sondyqtan 1 mln teńge de jetpeýi múmkin. О́zim 900 myń teńgeden asa jalaqy alamyn, ol maǵan jeke ózime jetkilikti emes. Sol sebepti jubaıymnyń da jumys istegenin qaladym», dedi Baqytjan Bazarbek.
Sondaı-aq depýtat jalaqyny ósirýge qoıylǵan moratorııdi alyp tastaý jáne tólemderdi qaıta qaraý máselesine de pikir bildirdi. Onyń aıtýynsha, mundaı sheshimdi ózi qabyldamaıdy. Degenmen qazirgi ekonomıkalyq jaǵdaıda depýtattardyń jalaqysyn kóterý oryndy qadam emes ekenin jetkizdi.
Májilismenniń pikirinshe, aldaǵy bes jylda bul másele kún tártibine shyǵaryla qoımaıdy.
