Foto: Stan.kz telegram
Qaıǵyly oqıǵa 10 mamyr kúni «Edelveıs» kafesinde bolǵan. Týystarynyń málimetinshe, Bahrom sol kúni jumysqa barǵan. Keıin onyń dosymen arasynda 70 myń teńge tabysqa baılanysty janjal shyqqan.
Otbasy ókilderiniń aıtýynsha, 20:18 ben 21:04 aralyǵynda jigit aıaýsyz soqqyǵa jyǵylǵan. Aldyn ala málimet boıynsha, kúdikti onyń basynan doǵal zatpen urǵan. Saraptamanyń bastapqy qorytyndysynda marqumnyń kókbaýyry jarylyp, keıin qan aralas qusqany kórsetilgen.
Týystary jedel járdem jetkenge deıin oqıǵa ornyndaǵy qan izderi tazalanǵan bolýy múmkin ekenin aıtady. Sondaı-aq olardyń sózinshe, zardap shegýshiniń kıimi de aýystyrylǵan. Al jedel járdem qyzmeti tek 21:04-te shaqyrylǵan.
Keıin Bahrom aýrýhanaǵa jetkizilgenimen, dárigerler onyń kóz jumǵanyn rastaǵan.
Al oqıǵaǵa qatysy bar degen eki jigit «ol jaı ǵana qulap qaldy» dep túsinikteme bergen.
Almaty oblystyq Polısııa departamenti atalǵan derek boıynsha sotqa deıingi tergeý bastalǵanyn habarlady.
Eske salaıyq, buǵan deıin Almaty oblysynda jasóspirim 12 jastaǵy balany qaǵyp ketkeni týraly jazǵanbyz.
