Sot sheshimine sáıkes, ol 140 mln grıvna (shamamen 3,2 mln dollar) kóleminde kepil engizse, baqylaýdan bosatylyp, sotqa kelý mindettemesin alady.
Kepil tólengen jaǵdaıda Ermakqa Kıevten ketpeý, sheteldik pasporttaryn tapsyrý jáne is boıynsha birqatar tulǵamen, sonyń ishinde Tımýr Mındıchpen, Ýkraınanyń burynǵy vıse-premeri Alekseı Chernyshovpen jáne astrolog Veronıka Anıkıevıchpen baılanys ornatpaý mindetteledi.
Sotta Ermak ózinde ondaı qarajat joq ekendigin, alaıda «jetkilikti dostar men tanystar» bar ekenin aıtyp, olardyń kómektese alatynyna úmit bildirdi.
Sonymen qatar ol taǵylǵan barlyq aıyptardy joqqa shyǵardy.
Zelenskıı: Reseı shabýyl operasııalaryn josparlap, mobılızasııany keńeıtýdi kózdep otyr
Aıta keteıik, Andreı Ermak – Ýkraınadaǵy joǵary deńgeıli saıası sheneýnik retinde tanylyp, Vladımır Zelenskııdiń eń jaqyn saıası keńesshileriniń biri bolǵan. Ol prezıdent ákimshiliginiń jumysyn úılestirip, mańyzdy kelissózderdiń qatysýshy boldy.
Buǵan deıin Zelenskıı Pýtınmen kezdesý beıtarap aýmaqta ótse, kelissóz ótkizýdiń múmkindigin qarastyratynyn aıtqan bolatyn. Al Kreml Ýkraınamen tolyq formattaǵy beıbit kelissózderdi bastaý úshin Donbastan qarýly kúshterdi shyǵarý qajettigin aıtyp talap qoıǵan edi.
