«Nura» aýdanynyń prokýratýrasy zańsyz qurylys nysandaryn anyqtaý jáne jolyn kesý boıynsha belsendi jumystardy jalǵastyryp jatyr. Sáýlet basqarmasymen, «Astana Genplan» JShS-men jáne Memlekettik sáýlet-qurylys baqylaýy basqarmasymen (MSQB) birlesken qadaǵalaý is-sharalary barysynda elordadaǵy qurylys alańdarynda eleýli zańbuzýshylyqtar anyqtaldy.
Atap aıtqanda, Sh. Aıtmatov kóshesi, 24/8 ýchaskesiniń mańynda japsarlas úı-jaılary men parkıngi bar kóppáterli turǵyn úı kesheniniń qurylysy anyqtaldy. Tekserý barysynda qurylys-montaj jumystary saraptamanyń oń qorytyndysynsyz jáne qurylys-montaj jumystarynyń bastalǵany týraly habarlamasyz júrgizilip jatqany belgili boldy.
20 jastaǵy jigit qurylys alańynda qolynan aıyryldy: Jumys berýshi kináli dep tanyldy
Sonymen qatar, Sh. Aıtmatov kóshesi men E164 kóshesiniń qıylysynda japsarlas úı-jaılary, medısınalyq ortalyǵy jáne parkıngi bar kóppáterli turǵyn úı kesheniniń qurylysy anyqtaldy. Qurylys jer ýchaskesine tıisti quqyqsyz, jobalyq-smetalyq qujattamasyz, qurylys-montaj jumystarynyń bastalǵany týraly habarlamasyz, sondaı-aq saraptama qorytyndysyz júrgizilgen.
Prokýratýra jumystardy toqtatý týraly habarlamalar alǵanyna qaramastan, zań talaptaryn elemegen qurylys salýshylarǵa erekshe nazar aýdarady. Qala qurylysy salasyndaǵy zańdylyqty qamtamasyz etý jumystary turaqty baqylaýda.
Elorda prokýratýrasy sáýlet jáne qala qurylysy salasyndaǵy zańnamany buzǵany úshin jaýapkershilik qarastyrylǵanyn eske saldy.
