Qazaqstan atynan jeti oqýshy bes ǵylymı jobany usynyp, el namysyn qorǵady. Baıqaý qorytyndysynda Taraz qalasyndaǵy Zııatkerlik mektebiniń 11-synyp oqýshysy Arnur Artyqbaı arnaıy júldelermen marapattaldy.
Oraldyq oqýshylar qant dıabetiniń mólsherin tekseretin qurylǵy oılap tapty
Ol «Mashınalyq oqytý negizinde qaterli isikterdi avtomatty túrde anyqtaý júıesi» atty ǵylymı jobasymen MAWHIBA Foundation qorynyń 400 dollar kólemindegi aqshalaı syılyǵyn jáne Saýd Arabııasynyń Korol Fahd atyndaǵy Munaı jáne paıdaly qazbalar ýnıversıtetine (KFUPM) bilim berý grantyn ıelendi. Joba jasandy ıntellekt tehnologııalaryn paıdalaný arqyly qaterli isikterdi erte ári dál anyqtaýǵa baǵyttalǵan.
19 eldiń ishinen dara shyqty: Qazaqstandyq oqýshylar Lıtvada ótken bilim báıgesinde top jardy
Regeneron ISEF – mektep oqýshylary arasyndaǵy álemdegi eń iri ǵylymı-ınjenerlik kórmelerdiń jetekshi alańy. Baıqaýdy halyqaralyq uıymdar men iri tehnologııalyq kompanııalar qoldaıdy. Solardyń biri – MAWHIBA Foundation qory. Bul uıym Saýd Arabııasyndaǵy daryndy balalar men jas ǵalymdardy qoldaýǵa baǵyttalǵan jáne ǵylym, tehnologııa men ınnovasııa salalaryndaǵy talanttardyń halyqaralyq deńgeıde damýyna múmkindik beredi. Qazaqstan bul dúnıejúzilik baıqaýǵa 1999 jyldan beri ulttyq seriktes retinde turaqty qatysyp keledi.
