Sport • Búgin, 15:43

Olımpıada júldegeri Denıs Ulanov kásibı mansabyn aıaqtady

40 ret

kórsetildi

1 mın

oqý úshin

2016 jylǵy Olımpıada oıyndarynyń qola júldegeri Denıs Ulanov aýyr atletıkadaǵy kásibı mansabyn aıaqtaǵanyn jarııalady. Endi ol bapkerlik qyzmetpen aınalysady, dep habarlaıdy Egemen.kz.

Jomart RAHYMJAN

Olımpıada júldegeri Denıs Ulanov kásibı mansabyn aıaqtady

Foto: Olympic.kz

32 jastaǵy sportshynyń kásibı sporttan ketýine sozylmaly jaraqattar jáne jas ereksheligi sebep bolǵan.

Endi Ulanov bar kúsh-jigerin bapkerlik qyzmetke arnaıdy jáne bul baǵytta belsendi eńbek etip jatyr.

Denıs Ulanovqa Rıo Olımpıadasynyń qola júldesi tabys etildi

Qazaq sportshysynyń basty tabysy – 2016 jyly Rıo Olımpıadasynda qola medal jeńip alýy. Bastapqyda Ýlanov Brazılııada ótken Olımpıadada tórtinshi oryn alǵan bolatyn. Alaıda keıin rýmyn sportshysy Gabrıel Sınkraıannyń qanynan tyıym salynǵan zat tabylyp, nátıjesinde qazaqstandyq atletke «qola» buıyrdy.

Sonymen qatar ol jastar arasynda Azııa chempıony (2013 – 94 kg), Álemdik Gran-prı kezeńiniń jeńimpazy (2015 – 94 kg), Azııa chempıony (2016 – 85 kg), Ýnıversıada chempıony (2017 – 85 kg), Azııa chempıonatynyń qola júldegeri (2019 – 81 kg), Ulybrıtanııa ashyq chempıonatynyń jeńimpazy (2019 – 81 kg) jáne Qazaqstan Respýblıkasynyń sport sheberi.