Foto: Aqorda
Jıynda keńestik kezeńdegi Qazaqstan tarıhyna arnalǵan altynshy tomnyń qoljazbasy qaraldy.
Redaksııa alqasy músheleriniń usynystary negizinde jańarǵan altynshy tomnyń tujyrymdamasyn, qurylymy men mazmunyn avtorlar ujymynyń jetekshisi, tarıh ǵylymdarynyń kandıdaty Kúlǵazıra Baltabaeva tanystyrdy. Qosymsha redaksııalyq jumys barysynda 120-dan astam eskertý men usynys nazarǵa alyndy. Jalpy alǵanda altynshy tom 7 bólimnen, 19 taraýdan jáne 126 paragraftan turady. Avtorlar ujymynyń quramyna 70-ten astam ǵalym men zertteýshi engen.
Sonymen qatar tarıh ǵylymdarynyń doktory, professor Búrkitbaı Aıaǵannyń, áleýmettaný ǵylymdarynyń doktory, Fılosofııa, saıasattaný jáne dintaný ınstıtýtynyń bas dırektory Aıgúl Sádýaqasovanyń, «Alternatıva» ózekti zertteýler ortalyǵynyń dırektory, saıası ǵylymdarynyń kandıdaty Andreı Chebotarevtiń resenzııalary tyńdaldy.
Sondaı-aq redaksııa alqasynyń Mámbet Qoıgeldıev, Kenjehan Matyjanov, Dıhan Qamzabekuly, Nursan Álimbaı, Erkin Ábil, Hankeldi Ábjanov sekildi músheleri óz oı-pikirlerin ortaǵa saldy.
Otyrys qorytyndysy boıynsha redaksııa alqasy altynshy tomnyń qoljazbasyn bekitip, baspaǵa daıyndaý týraly sheshim qabyldady.
Kelesi otyrysta «Qazaqstan tarıhy: ejelgi dáýirden búginge deıin» atty akademııalyq basylymnyń Táýelsiz Qazaqstan kezeńine arnalǵan jetinshi tomy qarastyrylady.
Eske sala keteıik, buǵan deıin redaksııa alqasy besinshi tomnyń qoljazbasyn bekitip, baspaǵa daıyndaý týraly sheshim qabyldady.
