Foto: Pixabay.com
Áleýmettik jelide taraǵan aqparatqa sáıkes, marqum Jáńgir Nurlanuly sol kúni dostarymen fýtbol kórýge barǵan. Páterde shamamen on shaqty adam bolǵan. Keıin jastar arasynda janjal týyndap, sońy qaıǵyly jaǵdaıǵa ulasqan.
Marqumnyń anasy kúdikti Jáńgirge alty tustan pyshaq suqqanyn aıtqan.
Almatydaǵy stýdenttiń ólimi: Qaıǵyly oqıǵaǵa ádiletsiz baǵalaý sebep boldy ma?
Atalǵan derekke qatysty Jetisý oblystyq polısııa departamenti pikir bildirdi. Vedomstvo málimetinshe, kúdikti ustalyp, ýaqytsha ustaý ızolıatoryna qamalǵan.
«Oqıǵanyń barlyq mán-jaıyn anyqtaýǵa baǵyttalǵan jan-jaqty ári obektıvti tergeý júrgizilip jatyr. Zańnamaǵa sáıkes qajetti tergeý jáne prosessýaldyq áreketter kesheni júzege asyrylyp jatyr. Tergeý barysy Jetisý oblysy polısııa departamenti basshylyǵynyń erekshe baqylaýyna alynǵan», delingen polısııa habarlamasynda.
Quqyq qorǵaý organdary tergeý múddesine baılanysty ózge aqparatty jarııa etpegen.
Eske sala keteıik, Qyzylordadaǵy «Bolashaq» medısınalyq kolledji jataqhanasynda birinshi kýrs stýdenti qaza tapty. Marqumnyń týystary onyń ólimine júıeli býllıng sebep bolǵanyn aıtyp otyr.
Buǵan deıin Taldyqorǵanda er adam tanysyn pyshaqtap óltirgeni týraly jazǵanbyz.
