Foto: Ashyq derekkóz
«Biz berilmeımiz», dedi Iran prezıdenti.
Sonymen birge ol Irannyń kelissózderdi abyroımen júrgizip jatqanyn atap ótti.
«Bizdiń quqyǵymyz, ýájimiz sondaı-aq dálelderimiz bar. Biz elimizdiń quqyqtaryn tabandy túrde qorǵaı alamyz jáne halqymyzdyń qoldaýymen ony qorǵaýdy jalǵastyramyz», dedi Masýd Pezeshkıan.
Buǵan deıin AQSh pen Iran kelissózdi qaıta bastaý úshin jańa talaptaryn usynǵan bolatyn. Tegeran soǵysty toqtatýdy, sanksııalardy alyp tastap, aktıvterdi buǵattan shyǵarýdy, keltirilgen shyǵyn úshin ótemaqy tóleýdi jáne Ormuz buǵazyndaǵy Iran ústemdigin moıyndaýdy talap etken.
Al Vashıngton Irannan AQSh-qa qatysty ótemaqy talaptarynan tolyq bas tartýdy suraǵan. Sonymen qatar amerıkalyq tarap shamamen 400 keli baıytylǵan ýrandy AQSh-qa berýdi jáne eldegi ıadrolyq nysandardyń tek bir kesheniniń ǵana jumys isteýin talap etip otyr.
Eki el arasyndaǵy ýaqytsha bitimge qaramastan, mamyrda taraptar qaıtadan ózara soqqy jasap, kelissózderdiń qaıta jandaný múmkindigin shıelenistirip jibergen edi.
