Foto: Ashyq derekkóz
Qaıǵyly oqıǵa 28 qańtar kúni bolǵan. Áıel tósekke tańylǵan anasyna dári alý úshin emhanaǵa bara jatqan kezde kúdikti oǵan shabýyl jasaǵan. Er adamdy ustaý kezinde ol polısııa qyzmetkerlerine qarsylyq kórsetkendikten, tártip saqshylary qyzmettik qarý qoldanýǵa májbúr bolǵan.
Sot sheshimimen aıyptalýshy mamandandyrylǵan psıhıatrııalyq mekemede májbúrli em qabyldaıtyn boldy. Iske tóraǵalyq etken sýdıa Baqytjan Túnalıev qylmys jasalǵan sátte er adamnyń aýyr psıhıkalyq jaǵdaıda bolǵanyn aıtty. Oǵan epızodtyq aǵymdaǵy paranoıdty shızofrenııa dıagnozy qoıylǵan.
Sýdıanyń aıtýynsha, densaýlyq jaǵdaıyna baılanysty ol óz áreketine jaýap bere almaıdy jáne qylmystyq jaýapkershilikke tartylmaıdy.
Belgili bolǵandaı, kúdikti buǵan deıin eki ret sottalǵan. Al 2022 jyly oǵan shızofrenııa dıagnozy qoıylǵan.
Marqum áıelden eki bala qalǵan. Onyń týystary sot sheshimine shaǵym túsirmegen.
Eske salaıyq, Shymkentte 23 jastaǵy qyz ýaqytsha ustaý ızolıatorynda kóz jumdy.
Sondaı-aq Shymkentte eki jasar qyz 24 metrlik qudyqqa qulap ketkenin habarlaǵan edik.
