Foto: Ashyq derekkóz
Jańa norma boıynsha memlekettik nómirlerdi memlekettik organdarǵa, dıplomatııalyq ókildikterge, sondaı-aq kólik ıesiniń jaqyn týystary men muragerlerine rásimdeýge bolady. Jaqyn týystar qataryna ata-analar, balalar, erli-zaıyptylar, aǵa-iniler men ápke-sińliler, ata-ájeler jáne nemereler, sonymen birge asyrap alýshylar men asyrandy balalar engizilgen.
Ekibastuzda kartonǵa markermen memlekettik nómir jazyp alǵan júrgizýshi ustaldy
Sonymen qatar Ishki ister mınıstrligi suranysqa ıe «ádemi» memlekettik nómirler tizimin keńeıtpek. Endi 101, 202, 303, 404, 505, 717, 808, 909 sekildi qaıtalanatyn jáne aına tárizdi sandar resmı túrde satylatyn bolady.
Mundaı nómirlerdi birdeı áriptermen birge de tapsyrys berýge múmkindik jasalady. Alaıda ázirge tolyqtaı aına tárizdi áriptik kombınasııalar satylymǵa shyǵarylmaıdy.
Ádemi nómirge áýestik: Júrgizýshiler bir aıda 6 mlrd teńgege jýyq qarajat jumsady
Jańa «ádemi» nómirler úshin memlekettik baj kólemi 15 AEK bolady. Bul 2026 jyly shamamen 64,9 myń teńgeni quraıdy. Al eger nómir birdeı áriptermen tolyqtyrylsa, quny 72 AEK-ke deıin ósip, shamamen 311,4 myń teńge bolady.
Aıta keteıik, bul tarıfter buǵan deıin Salyq kodeksinde kórsetilgenimen, endi ǵana tirkeý erejelerine resmı túrde engizilip otyr.
Buǵan deıin elimizde jalǵan memleketttik nómir paıdalaǵandar qylmystyq jaýapkershilikke tartylýy múmkin ekenin jazǵan edik.
