Ońtústik Koreıada MERS vırýsy qurbandarynyń sany 32-ge jetti

ASTANA. 28 maýsym. Ońtústik Koreıada MERS koronavırýsyn juqtyrǵan taǵy bir adam kóz jumdy. Osylaısha qaýipti vırýs qurbandarynyń sany 32-ge jetip otyr. Bul týraly RIA «Novostı» habarlady. Qazirgi tańda bul elde qaýipti vırýsty juqtyrǵandar sany 182-ge jetken. Búginge deıin dertke shaldyqqan 91 adam aýrýhanadan emdelip shyqqanymen, 2 jarym myńǵa jýyq adam áli karantınde ustalyp otyr. Áli kúnge deıin vırýsqa qarsy eshqandaı vaksına tabylmaǵan. «Renhap» jergilikti aqparat agentiginiń habarlaýynsha, sońǵy táýlikke deıin vırýs juqtyrǵandar týraly jańa málimet túspegen. Bir aıta keterligi, dúnıe júzin dúrliktirgen qaýipti indetti juqtyrýǵa ımmýndyq júıesi álsizder, sozylmaly ókpe dertine shaldyqqandar, dıabetpen jáne búırek aýrýymen aýyratyndar beıim keledi. Dúnıejúzilik densaýlyq saqtaý uıymynyń málimetterine qaraǵanda, 20 maýsymǵa deıin MERS vırýsyn juqtyrǵandar sany álem boıynsha 1 334-ke jetken. Al aýrýdan 471 adam kóz jumǵan. Saldarynan koronavırýs qurbandarynyń kórsetkishi 40 paıyzǵa jetse, Ońtústik Koreıada qaraly tizim 17 paıyzǵa jaqyndaǵan. Elaman Qońyr. Derek, sýret: RIA «Novostı».