Foto: Sports.kz
Eger komanda Qazaqstan premer-lıgasynyń kelesi týrynda Atyraý klýbyn jeńe almasa, onda klýb bas bapkerdi aýystyrýy yqtımal.
Bul qyzmetke negizgi úmitkerlerdiń biri retinde Mılıch Chýrchıch atalyp otyr. Serbııalyq maman 1 maýsymnan bastap «Tobyldy» tizgindep ketýi múmkin. Sonymen qatar, Azat Nurǵalıev «Qyzyljardyń» bas bapker mindetin ýaqytsha atqarýshy bolýy yqtımal. Úmitkerler qatarynda Samat Smaqov pen Qaırat Nurdáýletov te bar.
Eske salaıyq, qostanaılyq klýbtyń qazirgi bas bapkeri Mıroslav Romashenko osy jyldyń 22 sáýirinde taǵaıyndalǵan bolatyn. Sodan beri komanda 5 match ótkizip, alǵashqy oıynda Kaspıı klýbyn jeńgenimen, keıin qatarynan tórt ret jeńiliske ushyrady.
Mıllıarder Shýhrat Ibragımov «Tobyl» fýtbol klýbyn satyp aldy
Mılıch Chýrchıch úshin bul «Tobylǵa» alǵashqy kelýi bolmaıdy. Ol 2023–2024 jyldary qostanaılyq klýbta jumys istep, sol kezeńde komanda Qazaqstan Kýbogy men Qazaqstan sýperkýbogyn jeńip alǵan.
Qazirgi tańda Qazaqstan premer-lıgasy týrnırlik kestesinde «Tobyl» sońǵy orynda tur. Komanda 11 matchta nebári 2 jeńiske jetip, dop aıyrmasy −10 kórsetkishin tirkegen.
