Saılaý bıýlleteniniń mátini bekitildi

Ortalyq saılaý komıs­sııa­synyń otyrysy ótti. Onda «Qazaq­stan Res­pýb­lıkasyndaǵy saı­laý týraly» Qazaqstan Respýblıkasy Konstıtýsııalyq zańynyń 12-, 24- jáne 37-baptaryna sáıkes, Qa­zaqstan Respýblıkasy Ortalyq saılaý komıssııasy 2015 jylǵy 26 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýynda daýys berýge arnalǵan saılaý bıýlle­ten­derin ortalyqtandyryp daıyndaý týraly sheshim qabyldap, saılaý bıýlleteniniń mátinin bekitti. Saılaý bıýlletenderiniń sa­ny, saılaýshylar tizimderine engizilgen saılaýshylardyń jalpy sanynyń 1 paıyzyn qosa alǵanda, 9 451 057 danany quraıdy. Saılaý bıýlletenderi ob­lys­tyq, Astana jáne Almaty qalalyq saılaý komıssııalaryna arnaıy baılanyspen 2015 jylǵy 20 sáýirden keshiktirmeı jetkiziledi. Ob­lystyq, Astana jáne Almaty qalalyq saılaý komıssııalary saılaý bıýlletenderin 2015 jylǵy 24 sáýirden keshiktirmeı ýchaskelik saılaý komıssııalaryna jetkizýdi jáne berýdi qamtamasyz etýleri qajet. «Egemen-aqparat».