Dostyq úıinde Qazaqstan halqy Assambleıasynyń jylyn mártebeli atap ótý sharasyna oraı «Ultaralyq toleranttylyq pen qoǵamdyq kelisimniń qazaqstandyq úlgisi: jetistikter men jasampazdyqtyń 20 jyly» atty ǵylymı-tájirıbelik konferensııa bolyp ótti.
Bilim jáne ǵylym mınıstrligi Ǵylym komıtetiniń Fılosofııa, saıasattaný jáne dintaný ınstıtýty men M.Áýezov atyndaǵy Ádebıet jáne óner ınstıtýty, Qazaqstan Respýblıkasy Prezıdenti janyndaǵy «Qoǵamdyq kelisim» respýblıkalyq memlekettik mekemesi men Qazaqstan halqy Assambleıasynyń Almaty qalasyndaǵy sarapshylyq toby birlesip uıymdastyrǵan bul konferensııaǵa AQSh, Germanııa, Chehııa jáne Reseı sarapshylary, Parlament Májilisiniń depýtattary, Assambleıa músheleri men qalalyq etnomádenı birlestikter ókilderi, joǵary oqý oryndarynyń jetekshi ǵalymdary qatysty.
Konferensııanyń plenarlyq otyrysynda Májilis depýtaty Serik Seıdýmanov Qazaqstan halqy Assambleıasy Tóraǵasynyń orynbasary Eraly Toǵjanovtyń atalǵan sharaǵa qatysýshylardy quttyqtaǵan jedelhatyn oqyp berdi. Uıymdastyrýshylar atynan Bilim jáne ǵylym mınıstrligi Ǵylym komıtetiniń M.Áýezov atyndaǵy Ádebıet jáne óner ınstıtýtynyń dırektory, professor Ýálıhan Qalıjanov kirispe sóz sóılep, Germanııadaǵy Bılefeld ýnıversıtetiniń professory Markýs Kaızer, Cheh ýnıversıtetiniń professory Sıvın Lıýbomır, Qazaqstan Ulttyq ǵylym akademııasynyń akademıgi, professor Ábdimálik Nysanbaev sekildi konferensııa qonaqtary Qazaqstandaǵy etnosaralyq toleranttylyqtyń jarqyn úlgisi men onyń álemdik saıasatqa qosar zor úlesi týrasynda baıandama jasady.
Otyrysty Bilim jáne ǵylym mınıstrligi Ǵylym komıtetiniń Fılosofııa, saıasattaný jáne dintaný ınstıtýtynyń dırektory, professor Zarema Sháýkenova júrgizip otyrdy. Keleli keńes aıasynda «Mýltıkýltýralızm teorııasy men tájirıbesi: etnosaralyq jáne konfessııaaralyq suhbat máselesi» degen taqyryppen dóńgelek ústel uıymdastyrylyp, Qazaqstan halqy Assambleıasy Ǵylymı-sarapshylyq keńesi músheleri birlesip 3 tilde jaryqqa shyǵarǵan «Qazaqstan halqy Assambleıasy: 20 jyldyq tarıh» atty kitaptyń tusaýkeser rásimi bolyp ótti.
Táýelsizdik jyldaryndaǵy Qazaqstan Respýblıkasy ulttyq saıasatynyń basty jetistikteriniń biri eldegi áleýmettik-ekonomıkalyq jáne saıası reformalardy júzege asyrýdyń mańyzdy shartyna aınalǵan Nursultan Nazarbaevtyń etnosaralyq toleranttylyq pen qoǵamdyq kelisimniń qazaqstandyq úlgisiniń qalyptasýy talqylanǵan ǵylymı-tájirıbelik konferensııanyń qarary qabyldanyp, onda Bilim jáne ǵylym mınıstrligine, Mádenıet jáne sport mınıstrligine, sondaı-aq, Qazaqstan halqy Assambleıasynyń aımaqtardaǵy hatshylyqtaryna usynys jasaldy.
Qanat ESKENDIR,
«Egemen Qazaqstan».
ALMATY.
Sýretti túsirgen
Iýrıı BEKKER.
Bilim jáne ǵylym mınıstrligi Ǵylym komıtetiniń Fılosofııa, saıasattaný jáne dintaný ınstıtýty men M.Áýezov atyndaǵy Ádebıet jáne óner ınstıtýty, Qazaqstan Respýblıkasy Prezıdenti janyndaǵy «Qoǵamdyq kelisim» respýblıkalyq memlekettik mekemesi men Qazaqstan halqy Assambleıasynyń Almaty qalasyndaǵy sarapshylyq toby birlesip uıymdastyrǵan bul konferensııaǵa AQSh, Germanııa, Chehııa jáne Reseı sarapshylary, Parlament Májilisiniń depýtattary, Assambleıa músheleri men qalalyq etnomádenı birlestikter ókilderi, joǵary oqý oryndarynyń jetekshi ǵalymdary qatysty.
Konferensııanyń plenarlyq otyrysynda Májilis depýtaty Serik Seıdýmanov Qazaqstan halqy Assambleıasy Tóraǵasynyń orynbasary Eraly Toǵjanovtyń atalǵan sharaǵa qatysýshylardy quttyqtaǵan jedelhatyn oqyp berdi. Uıymdastyrýshylar atynan Bilim jáne ǵylym mınıstrligi Ǵylym komıtetiniń M.Áýezov atyndaǵy Ádebıet jáne óner ınstıtýtynyń dırektory, professor Ýálıhan Qalıjanov kirispe sóz sóılep, Germanııadaǵy Bılefeld ýnıversıtetiniń professory Markýs Kaızer, Cheh ýnıversıtetiniń professory Sıvın Lıýbomır, Qazaqstan Ulttyq ǵylym akademııasynyń akademıgi, professor Ábdimálik Nysanbaev sekildi konferensııa qonaqtary Qazaqstandaǵy etnosaralyq toleranttylyqtyń jarqyn úlgisi men onyń álemdik saıasatqa qosar zor úlesi týrasynda baıandama jasady.
Otyrysty Bilim jáne ǵylym mınıstrligi Ǵylym komıtetiniń Fılosofııa, saıasattaný jáne dintaný ınstıtýtynyń dırektory, professor Zarema Sháýkenova júrgizip otyrdy. Keleli keńes aıasynda «Mýltıkýltýralızm teorııasy men tájirıbesi: etnosaralyq jáne konfessııaaralyq suhbat máselesi» degen taqyryppen dóńgelek ústel uıymdastyrylyp, Qazaqstan halqy Assambleıasy Ǵylymı-sarapshylyq keńesi músheleri birlesip 3 tilde jaryqqa shyǵarǵan «Qazaqstan halqy Assambleıasy: 20 jyldyq tarıh» atty kitaptyń tusaýkeser rásimi bolyp ótti.
Táýelsizdik jyldaryndaǵy Qazaqstan Respýblıkasy ulttyq saıasatynyń basty jetistikteriniń biri eldegi áleýmettik-ekonomıkalyq jáne saıası reformalardy júzege asyrýdyń mańyzdy shartyna aınalǵan Nursultan Nazarbaevtyń etnosaralyq toleranttylyq pen qoǵamdyq kelisimniń qazaqstandyq úlgisiniń qalyptasýy talqylanǵan ǵylymı-tájirıbelik konferensııanyń qarary qabyldanyp, onda Bilim jáne ǵylym mınıstrligine, Mádenıet jáne sport mınıstrligine, sondaı-aq, Qazaqstan halqy Assambleıasynyń aımaqtardaǵy hatshylyqtaryna usynys jasaldy.
Qanat ESKENDIR,
«Egemen Qazaqstan».
ALMATY.
Sýretti túsirgen
Iýrıı BEKKER.
