Komıssııa múshelerimen júzdesti

Ortalyq saılaý komıssııasynyń tóra­ǵasy Q.Turǵan­qulovtyń «Qazaqstan Respýb­lıkasyndaǵy saılaýdy baıqaý jónindegi respýblıkalyq qoǵamdyq komıssııa» Respýb­lıkalyq qoǵamdyq birlestiginiń (SBRQK) múshelerimen kezdesýi boldy. Kezdesýge SBRQK tóraǵasy N. Erimbetov, SBRQK tóraǵasynyń orynbasary J.Qusmanǵalıeva, SBRQK shtabynyń basshysy N. Tileýkenov, OSK-nyń barlyq músheleri, sonymen qatar, SBRQK músheleri Sh.Lepsibaev, Ǵ. Shalahmetov qatysty. Ortsaılaýkom basshysy kezdesýge qatysýshylardy Qazaqstan Respýblıkasy Prezıdentiniń kezekten tys saılaýyn ótkizý jónindegi Ortalyq saılaý komıssııasynyń jumysymen tanystyrdy.  «Saılaýdy baıqaý jónindegi túrli uıymdarmen jáne birlestiktermen jan-jaqty yntymaqtastyq – bizdiń turaqty tájirıbemiz. Halyqaralyq jáne otandyq baıqaýshylardyń saılaý prosesiniń barlyq kezeńderine baqylaýdy júzege asyrýǵa qatysýyn saılaý naýqanynyń jarııaly jáne ashyqtyq ahýalyn qamtamasyz etýge járdemdesý retinde qarastyramyz. Azamattardyń elektorattyq belsen­diligi men saılaý ınstıtýtyna senimin art­tyrýdyń basty tásili retinde transparenttik – tek Ortalyq saılaý ko­mıssııasynyń ǵana emes, sondaı-aq, saılaý prosesiniń barlyq sýbektileriniń, jalpy qoǵamnyń basty mindetteriniń biri», dep atap ótti Q.Turǵanqulov. SBRQK tóraǵasy Ortsaılaýkom múshelerimen saılaý prosesiniń barlyq aspektilerindegi ynty­maqtastyq tyǵyz jáne kásibı bolatynyna senim bildirdi. «Biz saılaý prosesiniń ashyqtyǵy men saılaý­shylardyń erik bildirý bostandyǵyn, sondaı-aq, kandıdattarǵa básekeli orta úshin teń sharttar men múmkindikterdi qamtamasyz etý boıynsha kómek kórsetemiz», dedi N.Erimbetov. «Biz úshin SBRQK sarapshylarynyń saılaý zańnamasyn buzýshylyqtardy qorytyndy esepke jınamaı, bizdi zań buzýshylyqtar týraly tikeleı saılaý naýqany barysynda jedel túrde aqparattandyrýy mańyzdy, bul saılaý organdaryna buzýshylyqtardy tıimdi jáne ýaqtyly joıýǵa jáne uqsas buzýshylyqtardyń aldyn alýǵa múmkindik beredi», dep atap ótti Q.Turǵanqulov. Kezdesý sońynda Ortsaılaýkom basshysy: «О́z tarapymnan saılaý organdary transparentti jáne ashyq saılaý ótkizý úshin bar kúshterin salatynyn taǵy da atap ótkim keledi», dedi.