Eldiń erteńi úshin daýys beredi

Keshe Qazaqstan prezıdenttigine kandıdat Nursultan Ábishuly Nazarbaevtyń Respýblıkalyq qoǵamdyq shtaby músheleriniń el óńiri boıynsha úgit-nasıhatynyń sapary bastaldy. Olardyń birinshi kezekte Qaraǵandy oblysyna barýynyń sımvoldyq mańyzy erekshe. О́ıt­keni, Elbasynyń eńbek joly tap osy óńirden bastaý alǵan bolatyn. Delegasııa quramynda Respýb­lıka­lyq qoǵamdyq shtabtyń jetek­shisi Muhtar Qul-Muhammed, Qazaq­stan Patrıottar partııasynyń tóra­ǵasy Ǵanı Qasymov, «Aq jol» demo­kratııalyq partııasynyń tóraǵasy Azat Perýashev, «Birlik» partııasynyń tóraǵasy Serik Sultanǵalı, «Ata­meken» Ulttyq kásipkerler palatasy basqarmasynyń tóraǵasy Abylaı Myrzahmetov, Qazaqstan halqy As­sambleıasy Tóraǵasynyń orynbasary Anatolıı Bashmakov, memleket qaıratkeri Oralbaı Ábdikárimov, Májilis depýtattary Maıra Aısına, Asqar Bazarbaev, Muhtar Tinikeev pen Serikjan Qanaev, Senat depýtaty Muhtar Altynbaev, Qazaq taǵamtaný akademııasynyń prezıdenti Tóregeldi Sharmanov, Olımpıada chempıony Serik Sápıev jáne taǵy da basqa tanymal qazaqstandyqtar bar. Elimizdiń óndiris ortalyǵynda óńir belsendilerimen, stýdent jastarmen, kásipkerlermen, «Arselor Mıttall Temirtaý» AQ kenshilerimen jáne etnomádenı birlestikterdiń ókilderimen birqatar kezdesýler ótti. Qaraǵandylyqtar Nursultan Ábishuly Nazarbaevqa ındýstrııalyq-ınnovasııalyq baǵdarlamany jedel­detkeni úshin alǵystaryn bildirdi, tek sońǵy 5 jylda ǵana onyń sheńberinde oblysta 59 kásiporyn iske qosylyp, 5000 jumys orny quryldy. О́ńirdegi qoǵam qaıratkeri Tatıana Savıskaıa elimizdegi beıbitshilikti, turaq­tylyq pen tynyshtyqty qamtamasyz etkeni úshin barlyq qazaqstandyq áıelderdiń Nursultan Ábishuly Nazar­baevqa degen rızashylyqtarynyń shek­siz ekendigin jetkizdi. Respýblıkalyq qoǵamdyq shtabtyń jetekshisi Muhtar Qul-Muhammed El­basy Nursultan Ábishuly Nazarbaevtyń syndarly saıasatynyń arqasynda Qa­zaqstannyń elimizdi damýdyń jańa sapaly deńgeıine alyp shyǵatyn orasan uly ózgeristerdiń tabaldyryǵynda turǵanyn atap ótti. Kezdesýge myńdaǵan qara­ǵan­dy­lyqtar qatysty. О́z sózderinde olar Memleket basshysy Nursultan Ábish­uly Nazarbaevtyń júrgizgen saıasa­tynyń arqasynda Qazaqstannyń orasan zor tabystarǵa qol jetkizgenine erekshe toqtaldy. Adamdar bizdiń elimizdiń basshy­lyǵynda tek myqty lıderdiń bol­ǵanyn qalaıdy. Sondyqtan da Qaraǵandy oblysynyń turǵyn­dary 2015 jyldyń 26 sáýirinde respýb­lıka­myzdyń ósip-órkendeýi, ıaǵnı Nur­sultan Ábishuly Nazarbaev úshin daýys beretinderin málimdedi. Aıqyn NESIPBAI, «Egemen Qazaqstan». QARAǴANDY.