«KEGOC» AQ aksıonerleriniń Jalpy jınalysyn ótkizý týraly HABARLAMA

«Elektr jelilerin basqarý jónindegi Qazaqstan kompanııasy» (Kazakhstan Electricity Grid Operating Company) «KEGOC» (budan ári – «KEGOC» AQ), ornalasqan mekenjaıy: Qazaqstan Respýblıkasy, 010010, Astana qalasy, Táýelsizdik dańǵyly, 59-ǵımarat, «KEGOC» AQ Dırektorlar keńesiniń 2015 jylǵy 20 naýryzdaǵy sheshimimen (№ 2 hattama) shaqyrylyp otyrǵan «KEGOC» AQ aksıonerleriniń Jalpy jınalysy ótkiziletindigin habarlaıdy. Aksıonerlerdiń Jalpy jınalysy 2015 jylǵy 30 sáýirde 11 saǵat 00 mınýtta myna mekenjaıda ótedi: Qazaqstan Respýblıkasy, 010010, Astana qalasy, Táýelsizdik dańǵyly, 59-ǵımarat, akt zaly. Aksıonerlerdiń Jalpy jınalysyna qatysýshylardy tirkeý 2015 jylǵy 30 sáýirde 09 saǵat 00 mınýttan 10 saǵat 30 mınýtqa deıin júrgiziletin bolady. Aksıonerlerdiń Jalpy jınalysyna qatysýshy retinde tirkelý úshin aksıonerler jeke kýáligin nemese jeke basyn kýálandyratyn ózge qujatyn kórsetýi tıis. Jeke tulǵa aksıonerlerdiń ókilderi belgilengen tártipte resimdelgen senimhatyn jáne ókildiń jeke basyn kýálandyratyn qujatyn kórsetýi qajet. Zańdy tulǵa aksıonerlerdiń ókilderi aksıoner bolyp tabylatyn zańdy tulǵanyń mórimen rastalǵan senimhatyn jáne ókildiń jeke basyn kýálandyratyn qujatyn usynýy tıis. Eger zańdy tulǵa aksıonerler atynan Aksıonerlerdiń Jalpy jınalysyna osy tulǵalardyń jeke tulǵadaǵy atqarýshy organdary (dırektor, bas dırektor, prezıdent) qatysatyn bolsa, olar tirkelgen kezde saılanýy nemese taǵaıyndalýy týraly tıisti qujatty, sonymen qatar jeke basyn kýálandyratyn qujatty usynýǵa mindetti. Qazaqstan Respýblıkasynyń zańnamasyna nemese shartqa sáıkes aksıonerdiń atynan senimhatsyz áreket etýge nemese onyń múddelerin bildirýge quqyǵy bar tulǵalar úshin qaralatyn máseleler boıynsha daýys berýge nemese Aksıonerlerdiń Jalpy jınalysyna qatysýǵa senimhat talap etilmeıdi. Eger Aksıonerlerdiń Jalpy jınalysyna qatysýǵa jáne onda daýys berýge quqyǵy bar aksıonerlerdiń tizimi jasalǵannan keıin osy tizimge qosylǵan tulǵa «KEGOC» AQ ózine tıesili daýys berýshi aksııalaryn ıelikten aıyrǵan bolsa, Aksıonerlerdiń jyldyq jalpy jınalysyna qatysý quqyǵy jańa aksıonerge aýysady. Bul rette aksıoner aksııalarǵa ıelik etý quqyǵyn rastaıtyn qujatty usynýy tıis. Aksıonerlerdiń jalpy jınalysyna qatysýǵa quqyǵy bar aksıonerlerdiń tizimi 2015 jylǵy 24 sáýirde jasalady. Aksıonerlerdiń jalpy jınalysynyń aldyn ala belgilengen kún tártibi: 1. «KEGOC» AQ jyldyq esebin bekitý týraly; 2. Jyldyq qarjylyq esepti, taza tabysty bólý tártibin bekitý – jaı aksııalar boıynsha dıvıdendter tóleý týraly sheshim qabyldaý jáne 2014 jylǵa «KEGOC» AQ bir jaı aksııasyna eseptegende dıvıdend mólsherin bekitý týraly. 3. «KEGOC» AQ Dırektorlar keńesiniń sandyq quramyn, ókilettigi merzimin anyqtaý, onyń músheleri men tóraǵasyn saılaý, sondaı-aq «KEGOC» AQ Dırektorlar keńesiniń múshelerine olardyń ózderiniń mindetterin atqarǵany úshin syıaqylar men ótemaqylar tóleý mólsheri men talaptary týraly; 4. Aksıonerlerdiń «KEGOC» AQ men onyń laýazymdy adamdarynyń is-áreketine ótinish jasaýy jáne olardyń qorytyndylaryn qaraý týraly; 5. «KEGOC» AQ aksıonerleri jalpy jınalysy Esep komıssııasynyń sandyq quramyn, ókilettigi merzimin anyqtaý jáne onyń múshelerin saılaý. Aksıonerlerdiń jalpy jınalysynyń kún tártibindegi máseleler boıynsha Qazaqstan Respýblıkasy, 010010, Astana qalasy, Táýelsizdik dańǵyly, 59-ǵımarat, 901-bólme mekenjaıy boıynsha demalys kúnderden basqa, 2015 jylǵy 15 sáýirden bastap saǵat 9.30-dan 17.00-ge deıin, sondaı-aq «KEGOC» AQ-tyń www.kegoc.kz korporatıvtik veb-saıtyndaǵy «Investorlar men aksıonerlerge» degen bólimdegi materıaldarmen tanysýǵa bolady. Aksıonerlerdiń jalpy jyldyq jınalysynyń materıaldaryna jáne de ótkizilýine baılanysty suraqtarǵa jaýaptardy +7 (7172) 690 491; +7 (7172) 690 297 telefondary arqyly nemese www.kegoc.kz veb-saıtyndaǵy «KEGOC» AQ Basqarma tóraǵasynyń blogyna saýal joldaý arqyly alýǵa bolady. Kvorým bolmaǵan jaǵdaıda Aksıonerlerdiń jalpy jyldyq jınalysy 2015 jylǵy 13 mamyrda 11 saǵat 00 mınýtta joǵaryda kórsetilgen mekenjaı boıynsha qaıta ótkiziledi. Aksıonerlerdiń jalpy jınalysyna qatysýshylardy tirkeý 2015 jylǵy 13 mamyrda 09 saǵat 00 mınýttan bastap 10 saǵat 30 mınýtqa deıin júrgiziledi.