Foto: Beınejazbadan
Jedel-izdestirý is-sharalary barysynda Taldyqorǵan qalasynda ornalasqan kollektorlyq agenttik qyzmetkerleriniń azamattardyń derbes derekterin qamtıtyn mamandandyrylǵan aqparattyq júıeni zańsyz paıdalanǵany anyqtaldy.
Bul zańsyz derekter bazasy arqy azamattardyń tegi men aty-jóni, JSN (Jeke sáıkestendirý nómiri) men uıaly telefon nómirleri týraly aqparattardy izdeýge múmkindik bolǵan.
Tergeý aıasynda osy zańsyz derekter bazasyn uıymdastyrýǵa jáne paıdalanýǵa qatysy bar úsh adam ustaldy. Olardyń turǵylyqty mekenjaılary men jumys oryndarynda sanksııalanǵan tintý amaldary júrgizildi.
Hakerler JI kómegimen Instagram qoldanýshylarynyń derekterin urlaǵan
Derbes derekterdi saqtaý, óńdeý jáne taratý úshin paıdalanylǵan kompıýterlik tehnıka men mobıldi qurylǵylardyń edáýir kólemi tárkilendi. Tekserý sharalaryn júrgizý maqsatynda birneshe adam polısııa organdaryna jetkizildi.
Buǵan deıin Qazaqstan azamattardyń jeke málimetterin qorǵaýdy kúsheıtýge baǵyttalǵan jańa zańnamalyq túzetýlerdi ázirlep jatqanyn habarlaǵan edik. Jańashyldyqtardyń biri – taralyp ketken derbes derekterdiń arnaıy tizilimin qurý. Memlekettik aqparattyq júıe arqyly árbir azamat ózine qatysty qandaı málimetterdiń ashyq qoljetimdilikke shyǵyp ketkenin nemese taralý qaýpi bar ekenin teksere alady. Bul jeke derekterdiń zańsyz qoldanylýynyń aldyn alyp, azamattarǵa der kezinde qorǵaný sharalaryn qabyldaýǵa múmkindik beredi.
