Maýsymnyń 6-sy kúni tańerteń Mańǵystaýdan kókke kóterilgen ushaq nebári 1 saǵat 50 mınýt ishinde dittegen jerine baryp qondy.
Aqtaý áýejaıynda alǵashqy saıahatshylarǵa arnaıy dám usynylyp, estelik syılyqtar taratyldy.
Batýmıge kelip toqtaǵan otandyq ushaqty avıasııalyq dástúr boıynsha záýlim sý arkasymen qarsy aldy. Oǵan qosa, áýe ekıpajy men jolaýshylar úshin arnaıy tort kesý rásimi uıymdastyrylyp, sýretke túsý sharasy ótti.
Eki qala arasyndaǵy turaqty áýe qatynasy jazǵy demalys maýsymynyń sońyna deıin jalǵasady. Turaqty reıster aptasyna eki ret – seısenbi jáne senbi kúnderi oryndalyp turady.
Bul ushý baǵdarlamasy bıylǵy jyldyń 29 tamyzyna deıin eseptelgen.
Aıta keteıik otandyq Air Astana áýe kompanııasy Dýbaı baǵyty boıynsha turaqty reısterdi qaıta jandandyrýdy josparlap otyr. Almatydan ushýlar 20 maýsymnan, al Astanadan 10 shildeden bastap qalpyna keltiriledi.
