Foto: jeke muraǵattan
«Men zeınetaqy jınaqtaryn jappaı alýdyń kez kelgen túrine árqashan qarsy bolyp keldim. Jalpy zeınetaqy aqshasy páter satyp alýǵa nemese úıdi jóndeýge arnalǵan jınaq emes. Bul – adam burynǵydaı jumys isteı almaıtyn kezdegi, ıaǵnı kárilik shaqqa arnalǵan aqsha. Sondyqtan men jetkiliktilik shegin kóterýdi qısyndy ári der kezinde jasalǵan qadam dep esepteımin», dedi Rasýl Rysmambetov.
Sarapshynyń paıymdaýynsha, qazir reformalaý kezeńinde turǵan zeınetaqy júıesi aǵymdaǵy áleýmettik máselelerdi sheshýmen aınalyspaı, tek zeınetaqymen qamtamasyz etý fýnksııasyn oryndaýy tıis.
«Adam búgin aqshasyn alǵan kezde, ol óziniń bolashaq zeınetaqy tólemderin avtomatty túrde azaıtady. Memleket qazir qysqa merzimdi tıimdilikke qol jetkizgenimen, 20-30 jyldan keıin zeınetaqynyń jetkiliksizdigi máselesine jáne qarttardy bıýdjetten qosymsha qoldaý qajettiligine tap bolady.
Sonymen qatar, bul jınaqtardy alýdy emes, zańdy jumyspen qamtýdy yntalandyrýymyz kerek. Azamattyń qoljetimdi qarajatyn arttyrýdyń eń tıimdi joly – oǵan zeınetaqy jınaqtaryn, ıaǵnı «artyq» dep esepteletin somany sheshýge ruqsat berý emes, onyń resmı jalaqysyn joǵarylatýǵa yntalandyrý jasaý. Resmı jalaqy neǵurlym joǵary bolsa, BJZQ-ǵa aýdarylatyn jarna da, bolashaq zeınetaqy da soǵurlym joǵary bolady», dep tolyqtyrdy ol.
Eńbek mınıstrligi: Jetkiliktilik shekterin kóterý bolashaq zeınetaqyny qorǵaýǵa baǵyttalǵan
Sarapshy zeınetaqyny merziminen buryn alý naýqanynyń naryqqa tıgizgen teris áserin de jasyrmady.
«Bul qarajattyń bir bóligi jyljymaıtyn múlik naryǵyna ketti. Bul jekelegen azamattardyń baspana máselesin sheshýge kómekteskenimen, sonymen birge úı baǵasynyń ósýine áser etken faktorlardyń birine aınaldy, saldarynan baǵa eki ese ósti. Jalpy alǵanda, jetkiliktilik shegi eldegi ekonomıkalyq jaǵdaıdy kórsetýi tıis. О́mir súrý uzaqtyǵy, eń tómengi zeınetaqy, ınflıasııa ósip jatyr, mine, sondyqtan shektiń de joǵarylaýy ábden qısyndy», dedi Rasýl Rysmambetov.
Qarjygerdiń pikirinshe, qoǵamdaǵy talqylaýlardyń baǵytyn múldem basqa arnaǵa burý qajet.
«BJZQ-dan aqshany qalaı alý kerek degendi emes, resmı jalaqysy joǵary jáne turaqty zeınetaqy jarnalaryn aýdaryp otyratyn adamdardyń sanyn qalaı kóbeıtý kerektigin talqylaý qajet. Bul – jahandyq, makroekonomıkalyq mindet.
Bólek toqtalyp ótetin jaıt, kelesi qadam retinde zeınetaqy aqshasy bıýdjet tapshylyǵy máselelerin sheshpeýi úshin (nemese tek bir bóligin ǵana jabýy úshin) bıýdjetti ońtaılandyrý júrýi tıis. Sonymen qatar eń basty sát – bul zeınetaqy aktıvterin basqarý tásilin ózgertý. Qazirgi ýaqytta BJZQ dál osyndaı ózgeristerdiń aldynda tur jáne men sarapshylardy jarııalanǵan ózgerister týraly oılanýǵa shaqyramyn», dep qorytyndylady Rasýl Rysmambetov.
Eske sala keteıik, búgin zeınetaqy jınaǵyn alýdyń jańa jetkiliktilik shekteri jarııalandy.
