Baıqońyrdan Reseıge jalǵa berilgen jer qaıtarylady

ASTANA. 28 naýryz. Reseıge Baıqońyrdan jalǵa berilgen 25 myń sharshy metr jerdi qaıtaryp alýǵa baılanysty aldyn-ala kelisim jasaldy. Bul týraly kyzylorda-news.kz habarlady. Atalmysh jaıt Qyzylorda oblysynyń ákimi Qyrymbek Kósherbaevtyń Baıqońyr qalasyna jumys sapary barysynda Federaldyq ǵarysh agenttiniń tóraǵasy Igor Komarovpen kezdesýinde málim boldy. Másele ońynan sheshilse, bul jerdiń 3 579 gektary Tóretam kentine beriledi. Onyń 184 gektary jańadan kent ortalyǵyn salýǵa, 90 ga. kásipkerlikti damytýǵa, 145 ga. jer kenttiń aýmaǵyn keńeıtýge baǵyttalmaq. Al 122 ga. Aqaıdyń aýmaǵyn keńeıtýge paıdalanylady. Sondaı-aq, 21 344 ga. Halyqaralyq «Batys Eýropa – Batys Qytaı» kólik dáliziniń boıynda kólik-logıstıkalyq ınfraqurylym salýǵa jáne «Beıneý-Shymkent» gaz qubyrynyń jelilik bóligin ótkizý maqsatyna qoldanylady. Sondaı-aq, basqosýda Baıqońyr qalasynda týrızmdi damytý, 6 mektepti qazaqstandyq standartqa kóshirý, Jeńistiń 70 jyldyǵymen jáne «Baıqońyr» kesheniniń 60 jyldyǵyn merekeleý máseleleri talqylandy. Bolashaqta «Baıqońyr» ǵarysh aılaǵy týrıstik ortalyqqa aınalady. Bul maqsatta ǵarysh kemeleriniń ushýyn tamashalaıtyn arnaıy keshender salynbaq. Qazirgi «Kraınıı» áýejaıy kúrdeli jóndeýden ótkizilip, Astana-Qyzylorda-Baıqońyr, Almaty-Qyzylorda-Baıqońyr baǵyttarynda áýe reıisterin ashý baǵytynda jumystar jasalýda. Buǵan qosa, Baıqońyrǵa kirýge ruqsat berýge arnalǵan qujattardy daıyndaý jeńildetilmek. Joldybaı Bazar. Derek, sýret: kyzylorda-news.kz.