«Qazsınk» qaza tapqan áriptesteriniń otbasyna kómektesedi

О́SKEMEN. 28 naýryz. «Qazsınk» JShS ushaq apatynan qaza tapqan áriptesteriniń otbasyna kómek qolyn sozbaq. Bul týraly egemen.kz tilshisi habarlady. Alpi taýyndaǵy áýe apatynda qaza bolǵan úsh otandasymyz da Shyǵys óńiriniń týmalary. Erbol Imanqulov pen jubaıy Aıjan Isenǵalıeva «Qazsınk» JShS jumys istegen. Seriktestiktiń turaqty damý jónindegi basqarýshy dırektory Andreı Lazarev kompanııanyń atynan qaza bolǵandardyń jaqyndaryna kóńil aıtty. Aıjan Isenǵalıeva «Qazsınk-Aına» JShS mádenı-qyzmet kórsetý máseleleri boıynsha dırektorynyń orynbasary boldy. Kúıeýi Erbol Imanǵalıev qaraǵandylyq «Taý-Ken Temir» kompanııasynyń dırektory qyzmetin atqarǵan. Odan buryn «Qazsınk» JShS mys zaýytyn basqarǵan. О́skemende olardy 13 jasar qyzy kútip otyrǵan bolatyn. – Bolashaǵy mol, jas, jigerli adamdardyń qaza bolýy biz úshin kútpegen aýyr soqqy boldy. Bizdiń kompanııamyz qaza bolǵandardyń denesin týǵan jerine jetkizip, jerleý rásimderin uıymdastyrýǵa barlyq kómekti kórsetetin bolady. Biz Syrtqy ister mınıstrligimen únemi habarlasyp, konsýldyq máselelerdi sheshýge tyrysamyz, – dedi Andreı Lazarev. Marqum Erbol Imanqulovtyń orynbasary Saıat Adyhanov áriptesiniń eńbekqor, kásibı maman bolǵanyn aıtady. – Bul orny tolmas qaza. Olardyń sońynda jetinshi synypta oqıtyn qyzy qaldy. Al qaıtys bolǵan uly áli úılenbegen bolatyn, – dedi S.Adyhanov. Qaza bolǵandar jandardyń Ispanııaǵa «Barselona» men «Real Madrıd» klýbtarynyń fınaldyq oıynyn tamashalaýǵa barǵany belgili boldy. О́skemendik áriptesteri marqum bolǵan áriptesterimen qoshtasý rásimin ótkizip, Sport saraıy janynda gúl shoqtaryn qoıyp, shyraq jaqty. Dýman Anash. Derek: egemen.kz. Sýret: yk-news.kz.