KО́Z AÝRÝLARYNYŃ ORTALYǴY AShYLDY

Elbasy óziniń Qazaqstan halqyna arnaǵan bıylǵy Jol­daýynda: “Halyq densaýlyǵy – ol Qazaqstannyń óziniń strategııalyq maqsattaryna jetýdegi tabysynyń ajyramas quramdas bóligi”, dep atap kór­setken bolatyn. Elimizde osy bir strategııalyq kókeı­kes­ti maqsatty is júzine asyrý maq­satynda júıeli mindet­ter­diń júzege asyrylyp kele jat­qany belgili. Oǵan Mem­le­ket basshysynyń tikeleı bas­shy­lyǵymen Astanada qury­lyp, jemisti jumys atqaryp kele jatqan medısına klaste­riniń qyzmeti tolyq dálel bolady. Jaqynda osy klaster aıa­synda, “Respýblıkalyq jedel medısınalyq járdem ǵylymı ortalyǵy” AQ bazasynda Kóz aýrýlary ǵylymı-zertteý ıns­tıtýtynyń fılıaly ashyldy. Qazirgi zamannyń jańa medı­sı­nalyq quraldarymen jab­dyq­talǵan, ozyq tehnologııa­lar­men qarýlanǵan bul orta­lyq­tyń halyq densaýlyǵyn jaq­sartý isine qosar úlesi ólsheýsiz. Qazirgi tańda elimizde 20000-nan astam zaǵıp jandar turady. Kóz janarynyń kiná­raty saldarynan múgedek bo­lyp qalatyndar sany jyldan-jylǵa artyp barady. Sońǵy ýa­qyt­ta turǵyndar arasynda sýqarańǵy, glaýkoma, katarakt, kóz tamyrlarynyń zaqymda­nýy sııaqty aýrýlar órship tur. Ásirese, balalar men jas­óspirimder arasynda osyndaı aýrý túrleriniń asqynyp, jas­tar­dyń erte kóz janarla­ry­nyn aırylýy erekshe alańda­tady. Eresekterdiń kóz janar­larynan aıyrylyp zaǵıp bo­lyp qalýyna glaýkomanyń ke­siri aıryqsha bolyp otyr. Eli­mizde bul keselmen aýyratyn­dar­dyń sany sońǵy 10 jyl ishinde 25 paıyzǵa artqan. Osy aýrý saldarynan múgedek bol­ǵan­dardyń qatary 3,7 ese ós­ken. Árbir besinshi zaǵıp eńbek jasyndaǵy adamdar. Glaýkoma keseline ushyraǵandardyń úshten biri birinshi toptaǵy múgedekter. Jedel járdem ortaly­ǵyn­da ashylyp otyrǵan fılıal tur­­ǵyndarǵa joǵary sapaly oftalmologııalyq kómek kór­se­týge negizdelgen. Munda syr­qat jandarǵa hırýrgııalyq ope­rasııalar jasalady. Orta­lyq­tyń aldaǵy ýaqyttaǵy ju­mys jobasynda tikeleı efır arqyly oftalmologııalyq ope­rasııalar jasap, óńirler­diń dárigerlerimen táji­rı­be alma­sý jumystary qaras­ty­­­rylǵan. Ortalyqta osy sa­lanyń eli­mizdegi aldyńǵy qa­tarly ma­mandary sol sııaqty shetel­der­den keletin ǵalymdar qyz­met kórsetetin bolady. Jylqybaı JAǴYPARULY.